რომიდან რამდენიმე კილომეტრში მდებარე საბაუდია უნიკალურ 1930-იანი წლების შარმს წარმოგვიდგენს. ის მოიცავს შთამბეჭდავ არქიტექტურას და ველურ ბუნების ლანდშაფტს. ცენტრალურ იტალიაში, ლაციოს რეგიონში მდებარე საბაუდიას უნიკალური ისტორია აქვს. ის ფაშისტური რეჟიმის დროს, სულ რაღაც 253 დღეში ააგეს, რათა ქვეყნის ჩრდილოეთიდან ჩამოსული ფერმერები დაესახლებინათ. საბაუდია ნამდვილად ღირს მონახულებად, როდესაც რომში იმოგზაურებთ.
ქალაქი ვიზიტორებს სიმშვიდით იზიდავს, კირეკეოს ეროვნული პარკით (Circeo National Park) გარშემორტყმული საბაუდია თავისუფალია მას ტურიზმისგან. აქ შეგიძლიათ დაისვენოთ სანაპიროებზე და გაისეირნოთ ქალაქის ქუჩებში.
კირკეოს მთა/Mount Circeo
საბაუდია ბუნების მოყვარულებისთვის ნამდვილი სამოთხეა. აქ ამავე სახელწოდების ეროვნული პარკიც მდებარეობს. მოინახულებთ რამდენიმე გამოქვაბულს და არქეოლოგიურ ნანგრევებს. აქ ხშირად ირებენ ფოტოებს ტორე პაოლასთან, შუასაუკუნოვან კოშკურასთან.
დომიტიანის ვილა/The Villa of Domitian
ისტორიაში უფრო ღრმად ჩასაძირად, ამ ვილას უნდა ეწვიოთ. ეს არქეოლოგიური ძეგლი პაოლას ტბის ნაპირებზე მდებარეობს. პირველ საუკუნეში აგებული ვილა მნიშვნელოვანი საიმპერატორო საზაფხულო რეზიდენცია იყო.
ტბები
საბაუდია გარშემორტყმულია 3 ტბით: Lago di Monaci, Lago di Caprolace და Lago di Paola, იგივე საბაუდიას ტბა. ისინი ეროვნული პარკის შემადგენლობაში შედიან. მშვიდი და ველური ტბები მდიდარ ფლორა-ფაუნას წარმოგვიდგენენ და წყლის სპორტის ენთუზიასტებისთვისაც სასიამოვნო ადგილია.
ბუფალარას სანაპირო/Bufalara beach
საბაუდიას სამხრეთში გრძელ ბუფალარას სანაპიროს აღმოაჩენთ. ის ლაციოს ერთ-ერთი ის სანაპიროა სადაც ცოტა ტურისტი დადის. ამიტომაც, მიმზიდველია სიმშვიდით და ხელშეუხებლობით. იდილიურია მზის ჩასვლისას სასეირნოდაც.
ვილა ვოლპი/Villa Volpi
ეს ნეოკლასიკური არქიტექტურის მშვენება 50-იანი წლებით თარიღდება და წყლისპირას მდებარეობს. ვილა ჰოლივუდურ ოცნებას მოგაგონებთ და ხშირად ქირაობენ ფილმების გადაღებების დროს.
როგორ მოხვდებით საბაუდიაში? თუ მანქანას დაიქირავებთ, გაყევით პონტინას გზატკეცილს. საზოგადოებრივი ტრანსპორტიდან კი პირდაპირი ავტობუსები (რომი-საბაუდია) დადის რომა ლაურენტინას ტერმინალიდან. მგზავრობის დრო 1-1.5 სთ.
ქართული ტურისტული კომპანია და სამოგზაურო ბლოგი. ვაწყობთ ჯგუფურ და ინდივიდუალურ ტურებს.
