მაგიური პანტელერია ვულკანური კუნძულია ხმელთაშუა ზღვაში, რომელიც ტექნიკურად ტუნისთან უფრო ახლოსაა, ვიდრე ევროპასთან. ზაფხულობით აქ იტალიელები ხშირად ისვენებენ და ფირუზისფერ ზღვაში თუ ცხელ წყაროებში ბანაობენ. პანტელერია ადგილია, სადაც ყოველდღიური ცხოვრების სტრესს გაექცევით და ბუნებით ისიამოვნებთ.
საკულტო სპილოს თაღი
პანტელერიის ეს საკულტო მშვენება კუნძულის სულს აღბეჭდავს. ბუნებრივი კლდის ფორმაცია აქ ცურაობის და სნორკელინგის საუკეთესო გამოცდილებას გპირდებათ. აღმოაჩენთ გამოქვაბულებსაც.
მიიღეთ სპა პროცედურები ლაგო დი ვენერეში
Lago di Venere, იგივე ვენუსის ტბა, ვულკანური წარმოშობისაა და მილიონობით წლის წინ ჩამოყალიბდა. ის ცნობილია მისი მდიდრული მინერალებით და გამაჯანსაღებელი ტალახებით.
დააგემოვნეთ ღვინო კუნძულის რომელიმე მარანში
დააგემოვნეთ ადგილობრივი არომატული მშრალი ღვინო “ზიბიბო”.
დააგემოვნეთ ადგილობრივი დესერტი
პანტელერიაში ვიზიტი არ იქნება სრულყოფილი თუ ამას არ გასინჯავთ: bacio pantesco. ეს გემრიელი დესერტი ხრაშუნა და ტკბილი გულსართით კუნძულის უნიკალურ კულინარიულ ტრადიციებს ასახავს.
ეწვიეთ ჯიარდინო პანტესკოს
პანტელერიაზე მდებარე ეს ბაღი ადგილობრივი აგრიკულტურის ინოვაციური შედევრია. აქ აგებული ნაგებობები ციტრუსის ხეებს კუნძულზე გავრცელებული ქარისგან და მშრალი კლიმატისგან იცავს.
ქალაქები:
პანტელერია: უნიკალური ბალანსი თანამედროვე მოხერხებულობასა და ულამაზეს ბუნების ლანდშაფტთან. ცენტრის მიღმა ველური ბუნება და ვულკანური ლანდშაფტია.
სკაური/Scauri: აქ თვალისმომჭრელი მზის ჩასვლებია და ნათელ ამინდში აფრიკასაც მოკრავთ თვალს.
ჰამმა/Khamma: ეს პატარა ფოტოგენური სოფელი იდეალურია ადგილობრივ კულტურაშ ჩასაძირად.
საუკეთესო დრო ვიზიტისთვის: ბარ-რესტორნები აქ სეზონურად ზაფხულში იხსნება. მაისსა და ივნისში შესაძლოა ყველაფერი ჯერ ღია არ იყოს მაგრამ იდეალური კლიმატი იქნება სალაშქროდ. აგვისტო ყველაზე დაკავებული თვეა. იდეალური თვეა სექტემბერი.
ქართული ტურისტული კომპანია და სამოგზაურო ბლოგი. ვაწყობთ ჯგუფურ და ინდივიდუალურ ტურებს.
