კვიპროსის ტროოდოსის მთის ფერდობებზე მდებარე სოფელი – კალოპანაგიოტისი (Kalopanagiotis) ავთენტურ შარმს წამოგვიდგენს თავისი ქვაფენილიანი ქუჩებით, ბიზანტიური მონასტრებით და ანტიკური თერმული წყაროებით. ის შეყვანილია გაერთიანებული ერების ორგანიზაციის მიერ გამოქვეყნებულ 2024 წლის საუკეთესო სოფლებს შორის.
ეს ავთენტური კვიპროსული კუნძული აერთიანებს მემკვიდრეობას, ბუნებას და ტრადიციებს ნამდვილ ჰარმონიაში. მისი ქუჩები სავსეა ტრადიციული სახლებით, რომელთა აივნებზეც ორნამენტებია დატანილი. აქ თითქოს თითოეული ქვა ისტორიას ყვება და თითოეული ბილიკი ახალი თავგადასავლის აღმოჩენას უწყობს ხელს.
ვიზიტორები აქ მოხიბლულნი არიან ადგილის სილამაზით, რომელსაც ქმნის ბიზანტიური ნანგრევები და თერმული წყლები. სან ჯონ ლამპადისტის მონასტერი, რომელიც იუნესკოს მსოფლიო მემკვიდრეობის ძეგლადაა აღიარებული, შუა საუკუნეებში აშენდა და დამთვალიერებელს საუცხოოდ შემონახულ ბიზანტიურ ფრესკებს ათვალიერებინებს. კედლებზე ბიბლიური სცენებია აღბეჭდილი.
ანტიკური დროიდან მოყოლებული, კალოპანაგიოტისი ვიზიტორებს გამაჯანსაღებელი პროცედურებით იზიდავდა. მინერალებით მდიდარი წყალი, რომელიც დედამიწის სიღრმიდან ამოდის სამკურნალო თვისებებითაც გამოირჩევა. აღდგენილი ისტორიული აბანოები დღეს თანამედროვე სპა ადგილებადაა ქცეული, რომელიც სრულ რელაქსაციას გპირდებათ.
აქ თითქოს დრო გაჩერებულია და ხელს გიწყობთ ჩაუღრმავდეთ საკუთარ თავს და გარშემო ბუნებას. კალოპანაგიოტისი გემრიელი სამზარეულოთიც გამოირჩევა. აქ საოჯახო ტავერნები ადგილობრივ გემრიელ კერძებს გთავაზობენ ჯანსაღი ინგრედიენტებით. აღსანიშნავია თბილი სტუმართმოყვარეობაც. აქედან ვიზიტორები აუცილებლად აყოლებენ ხელს ზეთისხილის ზეთს ან სახლში მომზადებულ ჯემს. კალოპანაგიოტისი არის ადგილი, რომლის შარმიც არასდროს დაგავიწყდებათ.
