იტალია ტურისტულად პოპულარული ქვეყანაა, მაგრამ მას კიდევ ბევრი ფარული ლოკაცია აქვს, რომელიც ტურისტებს ჯერ კიდევ არ აღმოუჩენიათ. მაშინ, როცა მოგზაურები ვენეციას, რომს და ამალფის სანაპიროს სტუმრობენ, თქვენ ტროპეასკენ გაეშურეთ და ეს ისტორიული ქალაქი აღმოაჩინეთ.
ტროპეას ისტორიული შარმი, ფოტოგენური ცისფერი წყალი და თეთრ ქვიშიანი სანაპიროები აქვს. ის კალაბრიას აღმოსავლეთ ნაპირზე მდებარე სანაპირო ქალაქია, ევროპის ერთ-ერთი საუკეთესო მშვიდი გასაქცევი. ტროპეა იმედს არ გაგიცრუებთ, მას თავად იტალიელებიც ხმელთაშუა ზღვის ბრწყინვალე სანაპიროდ ასახელებენ.
თუ ამალფის სანაპიროზე სანტორინის ალტერნატივას ეძებთ, ტროპეა თქვენთვის საუკეთესო არჩევანია. თანაც, ნაკლები ხალხით. ის ის იშვიათი ადგილია, სადაც ისტორია სამოთხეს ხვდება. ევროპაში რა თქმა უნდა, ბევრი ისტორიული ქალაქია, მაგრამ ეს ერთ-ერთი გამორჩეულია მათგან. აუცილებლად მოინახულეთ ტროპეას გადმოსახედები ბრწყინვალე ხედებით. ერთ-ერთი ყველაზე მაგიური საუკუნოვანი ტაძრიდან ხედია.
ლურჯი წყლის მიღმა, ტოპ ღირსშესანიშნაობაა სანტა მარია დელ იზოლა (Santa Maria dell’Isola). მასში შესვლა უფასოა, მაგრამ მისი ბაღების მონახულება ფასიანია.
ტროპეას ქალაქის ცენტრიც საკმაოდ შთამბეჭდავია. აქაური ქვაფენილიანი ქუჩები გაჯერებულია იტალიური გემრიელი კერძების სურნელით. იქამდე, სანამ ტროპეა ზაფხულშიც კი არაა გადავსებული, თამამად დატკბით იტალიის ამ უმშვენიერესი ადგილით.
