ამსტერდამი ნიდერლანდების ერთ-ერთი ყველაზე ლამაზი ქალაქია და მისი პარკები და მწვანე სივრცეები დიდ როლს თამაშობენ მის სილამაზეში. აქ ყველა პარკი თავისებურად მოგხიბლავთ, ყველგან უამრავი რამაა სანახავი და გამოსაკვლევი. სრული რელაქსაციისთვის შენი მეგზური ამსტერდამის 10 საუკეთესო რეკრეაციულ სივრცეს წარმოგიდგენთ.
ვონდელპარკი / Vondelpark
ვონდელპარკი ამსტერდამის პოპულარული ურბანული პარკია საკუთარი ღია თეატრით და სხვა ღირსშესანიშნაობებით. აქ ხშირად ტარდება სხვადასხვა პერფორმანსები და წარმოდგენები ივნისსა და აგვისტოში. პარკს რამდენიმე საფეხმავლო ბილიკი აქვს. ასევე, ნახავთ რამდენიმე ბარ-რესტორანს. ვონდელპარკის ქანდაკებები მე-19 საუკუნით თარიღდებიან.
ამსტელპარკი / Amstelpark
ამ პარკში ულამაზეს ლაბირინთს აღმოაჩენთ. ეს ამსტერდამის ერთ-ერთი უნიკალური პარკია მინი-გოლფითა და მცირე ზოოპარკით. მცენარეების მრავალფეროვანი სახეობების გარდა, იხილავთ იაპონურ ბაღს და ორანჟერეას.
მისამართი: Arent Janszoon Ernststraat 1
ამსტერდამს ბოსი / Amsterdamse Bos
ეს ინგლისური სტილის ბაღი ამსტელვინში მდებარეობს, სადაც მასიური ტყეები და მდელოებია. პარკში მდებარეობს ფერმაც პატარა ჯიშის ცხოველებით.
ბეატრიქსპარკი / Beatrixpark
ეს პატარა და მშვიდი პარკი ისტორიული ადგილია. ის 1930 წელს გაიხსნა და დღესაც აღმოაჩენთ მის ძველ ნაწილში ენგლისური პარკის რომანტიკულ ატმოსფეროს. თუ ბავშვებთან ერთად მოგზაურობთ, ისინი აქ განსაკუთრებით გაერთობიან.
მისამართი: Diepenbrockstraat 21
ვესთერპარკი / Westerpark
ეს მასიური მწვანე არეალი შთამბეჭდავი ღია სივრცეა სკულპტურებით. აქ შეგხვდებათ კინოთეატრიც და კაფეებიც.
მისამართი: Haarlemmerweg 4
რემბრანტპარკი / Rembrandtpark
ეს ცნობილი მხატვრის სახელობის პარკი განსაკუთრებით უყვართ ფრინველებზე დამკვირვებლებს, რადგანაც აქ ბევრი სახეობის ჩიტს მოკრავთ თვალს. რემბრანტპარკი მოიცავს საბავშო გასართობ ზონებს და მცირე ზოოპარკს.
მისამართი: Orteliuskade 57
ფრანკენდელის პარკი / Frankendael Park
ამ პარკში მე-17 საუკუნის სასახლე მდებარეობს და დასასვენებლად რომანტიკულ ატმოსფეროს გთავაზობთ. აქ შეგიძლიათ მიეფიცხოთ მზეს და დატკბეთ ბუნების სილამაზით. პარკში ორ რესტორანსაც ნახავთ. ფრანკენდელი ღიაა საღამოს 10 საათამდე.
მისამართი: Middenweg 72
ოოსტერპარკი / Oosterpark
ეს ამსტერდამის ერთ-ერთი უძველესი პარკია, რომელიც მე-19 საუკუნით თარიღდება და გვთავაზობს მინდორს, პატარა ტბას, ბილიკებს, მონუმენტებსა და ინსტალაციებს. აქ ნახავთ თეო ვან გოგის მემორიალს.
სარფათიპარკი / Sarphatipark
ეს პატარა პარკი სამუელ სარფათის სახელს ატარებს. თუ ბევრი სიარულის შემდეგ საფუძვლიანი დასვენება გსურთ, მას მოაკითხეთ. აქ ნახავთ პატარა ხიდებს წყალზე და საბავშო სივრცესაც.
მისამართი: Sarphatipark 37I
ერასმუსპარკი / Erasmuspark
ერასმუსპარკის მწვანე სივრცეში რამდენიმე ხიდით მოხვდებით. აქ ყველა სეზონზე სასიამოვნო დროს გაატარებთ. თბილ თვეებში სიმწვანე და ხელოვნების ინსტალაციები დაგხვდებათ, ზამთარში, წყალი იყინება და ადგილობრივების სრიალს იხილავთ.
