პორტუგალიის ალგარვეში კლდეებს შორის მდებარე ბურგაუ ატლანტის სანაპირო ზოლზე ჩამწკრივებული თეთრი სახლებით გამოირჩევა. ეს მზიანი დასახლება გვხიბლავს ნავსადგურით და ადგილობრივი ავთენტური ცხოვრების რიტმით. სამხრეთ პორტუგალიაში მდებარე ბურგაუ ლაგოსიდან 15 კილომეტრში მდებარეობს. ეს ყოფილი სათევზაო სოფელი ძლიერ იდენტობას ამჟღავნებს და რეგიონის მსხვილი ზღვისპირა კურორტებისგან მოშორებით მდებარეობს.
აქ ვიწრო ქუჩები ზღვისკენ ჩადიან, ფერადი ნავები ნაპირთან ტივტივებენ და ყოველდღიური ცხოვრება ნავსადგურის, სანაპიროს და თევზის რესტორნების გარშემო ტრიალებს. ბურგაუს “პორტუგალიის სანტორინის” უწოდებენ, რადგანაც ეს თეთრი სოფელი იმ ცნობილ ბერძნულ თეთრ სოფელს წააგავს.
ამფითეატრული ფორმის ბურგაუ ღია ტერასებითაა სავსე, საიდანაც გადაშლილი წყლის ხედები ხმელთაშუაზღვის ლანდშაფტს წააგავს. სოფლის ცენტრი მთელი წლის მანძილზე დატვირთულია. აქ ბევრი კაფე და მაღაზიაა, მეთევზეები პორტში ბრუნდებიან, ხოლო ადგილობრივები თავიანთ სახლებთან ზიან. მიუხედავად სანტორინისთან მსგავსებისა, ბურგაუ ნამდვილად ალგარვეს ნაწილია და პორტუგალიური საზღვაო კულტურით საკმაოდ მდიდარია.
სანაპიროები, თევზაობა და დოლჩე ვიტა პორტუგალიურად: ქალაქის ქვეშ პრაია დო ბურგაუ მდებარეოს, ორ კლდეს შორის მოქცეული სანაპირო, სადაც ვიწრო ქუჩებიდან ფეხით მოხვდებით. სანაპიროს გარშემო მდებარე რესტორნები მარტივ, ნოყიერ პორტუგალიურ სამზარეულოს წარმოგვიდგენენ: თევზს გრილზე, ზღვის პროდუქტებს და აშ.
მისი აქტიური პორტი სოფლის საზღვაო ისტორიის შემახსენებელია. ბურგაუდან ადვილად ჩახვალთ ლაგოსში და მისი ნაპირებითაც დატკბებით. ცოცხალი სოფლის და ველური ლანდშაფტის იშვიათი ბალანსი მას პორტუგალიის ერთ-ერთი ყველაზე საყვარელ დასასვენებელ ადგილად აქცევს.
