ჰელსინკი სხვადასხვა თანამედროვე და კლასიკური ხელოვნების მუზეუმებს მასპინძლობს. აქ როგორც ადგილობრივი, ასევე საერთაშორისო არტისტების შემოქმედებას იხილავთ.
კიასმა/Kiasma
კიასმა ფინეთის ეროვნული გალერეის თანამედროვე ხელოვნების განყოფილებაა. 8000-ზე მეტი ნამუშევარი მოდერნისტულ შენობაშია განთავსებული. აქ ბავშვებისთვის სპეციალური პროგრამაცაა შემუშავებული: “ფერების ვორქშოფი”. მუზეუმი პარასკეობით შუაღამემდე ღიაა.
კორჯაამოს გალერეა/Korjaamo Galleria
ეს გალერეა 2004 წელს გაიხსნა როგორც კორჯაამოს კულტურის ქარხნის ნაწილი და სკანდინავიაში ყველაზე დიდი ხელოვნების ცენტრია. გამოფენები ყოველთვე იცვლება და ფინელი არტისტების შემოქმედებას ეძღვნება.
ფინეთის ფოტოგრაფიის მუზეუმი/The Finnish Museum of Photography
ფინური ფოტოგრაფიის მუზეუმი უძველესი ფოტოგრაფიის მუზეუმია ევროპაში და ორ მილიონამდე ფოტოს აერთიანებს, მათ შორის დათარიღებულებს მე-19 საუკუნით. ის წარმოგვიდგენს ფინეთის წარსულ და აწმყო ცხოვრებას.
ანანტალო/Annantalo
ეს ერთადერთი გალერეა ჰელსინკიში, რომელიც ვორქშოფებს, წარმოდგენებს და გამოფენებს აერთიანებს, რომლებიც ბავშვებს ეძღვნებათ. ცენტრში ხელოვნების გაკვეთილები, VR თამაშები, ღონისძიებები და სხვა სახალისო აქტივობები ტარდება.
HAM
HAM იგივე ჰელსინკის ხელოვნების მუზეუმი ჰელსინკელი არტისტების ნიმუშებს წარმოადგენს. ის პატივს მიაგებს გრაფიტის და ქუჩის ხელოვნებას ქალაქში.
ატენეუმის ხელოვნების მუზეუმი/Ateneum Art Museum
ფინური ხელოვნების უკეთ შესაცნობად ფინურ ეროვნულ გალერეას ეწვიეთ, რომელიც ჰელსინკის ერთ-ერთ ყველაზე ლამაზ შენობაში მდებარეობს და გასაოცარ ხელოვნების ნიმუშებს წარმოგვიდგენს. აქ იხილავთ საერთაშორისო არტისტებსაც, მათ შორის ვან გოგს და პოლ გოგენს.
გალერია ბრონდა/Galleria Bronda
გახსნის შემდეგ, ამ გალერიამ 400-მდე გამოფენას უმასპინძლა. ის ფინეთის ინოვაციურ და შთამაგონებელ თანამედროვე ხელოვნებას წარმოგვიდგენს, რომელიც ყოველ 4 კვირაში იცვლება.
SIC Space
ეს თანამედროვე ხელოვნების სივრცეა, რომელიც 2012 წელს ჰელსინკელმა არტისტებმა დაარსეს. გალერეა წარმოგვიდგენს ვიზუალური ხელოვნების, ფოტოგრაფიის, მხატვრობის გამოფენებს.
სიგნაეუსის გალერეა/Cygnaeus Gallery
მე-19 საუკუნის გასაოცარი ვილა ფინელ პოეტს ფრედრიკ სიგნაეუსს ეკუთვნოდა, შემდეგ კი სახელმწიფოს გადაეცა. გალერეა მისი კოლექციიდან 200 ნიმუშს აერთიანებს.
ამოს ანდერსონის ხელოვნების მუზეუმი/Amos Anderson Art Museum
ფინეთის უდიდესი კერძო მუზეუმი ამოს ანდერსონის სახელს ატარებს. აქ მისი პირადი კოლექციაა გამოფენილი და კლასიკური და თანამედროვე ხელოვნების შერწყმას წარმოადგენს.
