ბუნებით მდიდარი სარდინია აერთიანებს გამოქვაბულებს, თეთრი ქვიშის სანაპიროებს და დრამატულ კლდეებს ოკეანეზე. ის იტალიის სიდიდით რიგით მეორე კუნძულია, სიცილიის შემდეგ. სარდინია დაატკბობს მათ, ვინც გეოგრაფიულ მრავალფეროვნებას და კულტურულ კომპლექსურობას ეძებს.
1. შეცურეთ დელა მადალენას არქიპელაგთან
სარდინიას პირველი ეროვნული პარკი, რომელიც 1994 წელს გაიხსნა, შვიდ კუნძულზეა განაწილებული და სარდინიის შთამბეჭდავ ლანდშაფტს გვთავაზობს. მადალენას კუნძული ეროვნული პარკის გულია. ბორნები კუნძულებს ერთმანეთთან 15 წუთში აკავშირებენ. ისინი რეგულარულად გადიან ლა მადალენადან და პალაუდან.
2. გაისეირნეთ ასინარას ეროვნულ პარკში
ბორნით მოკლე მანძილზე მდებარე ეს დაცული ტერიტორია პოპულარული ადგილია ივნისიდან სექტემბრის ჩათვლით. წლის სხვა პერიოდებში კი ფაქტობრივად ცარიელია. ფირუზისფერი წყლის ხედების ფონზე შეგიძლიათ სასეირნო ბილიკებზე გადაადგილდეთ.
3. გამოიკვლიეთ ანტიკური ცივილიზაციები
Nuraghe Su Nuraxi – ადრეული ცივილიზაციების ნანგრევებია, რომლებიც ჩვ.წ.-მდე 1500 წლით თარიღდებიან. ეს არქეოლოგიური ძეგლი 1949 წელს აღმოაჩინეს და სინათლე დაუბრუნეს.
4. დააგემოვნეთ ადგილობრივი ყველი
სარდინიაზე 3 მილიონზე მეტი ცხვარი ბინადრობს და არაა გასაკვირი, რომ ყველი აქ რეგიონის დელიკატესია. აუცილებლად გასინჯეთ ტრადიციული ყველი და შეუერთდით დაგემოვნების ტურებსაც. აქაური ფერმები ყველს პირდაპირ მომხმარებლებზე ყიდიან. ამიტომაც დააკვირდით გზებზე გამოტანილ ბანერებს წარწერით “ყველის მაღაზია”.
5. დალაშქრეთ კამინო დი სანტა ბარბარა
Cammino di Santa Barbara – გრძელი სალაშქრო ბილიკია, რომელიც სოფლებს ერთმანეთთან აკავშირებს და გზად ბევრ საინტერესო ადგილს განახებთ. სანტა ბარბარას ოფიციალურ საიტზე დეტალური ინფორმაციაა სალაშქრო გზის გეგმის შესახებ. გირჩევთ გაზფახულის ან შემოდგომის სეზონს.
6. სნორკელინგი და დაივინგი
სარდინიის გარშემო არსებული ხმელთაშუაზღვა მდიდარია წყალქვეშა ბინადრებით და მცენარეებით. აღმოსავლეთ სანაპირო ნაკლებად ქარიანია და დამწყებთათვის უკეთეს ლოკაციად ითვლება.
7. გროტა დი ნეტუნოს გამოქვაბულები
Grotta di Nettuno – იგივე “ნეპტუნის გამოქვაბული” 2.5 კმ სიგრძეზე გრძელდება და საოცარ სტალაქტიდებსა და სტალაგმიტებს წარმოგვიდგენს, რომლებიც საუკუნეების მანძილზე იღებდნენ ფორმას. გამოქვაბულში მოხვდებით გზასთან დაკავშირებული კიბეებით ან ზღვით, რადგანაც შესასვლელამდე ბორნები დადიან.
