სარდინია ევროპის ერთ-ერთი გამორჩეული მიმართულებაა. რბილი ხმელთაშუაზღვიური კლიმატით და თეთრი ქვიშით თავმომწონე კუნძული ზაფხულში უამრვი ადამიანის სასურველი დასასვენებელი მიმართულება ხდება. სარდინიაზე სალაშქრო ბილიკები, შთამბეჭდავი არქეოლოგიური ძეგლები, კარგი ამინდი და ტრადიციული ადგილობრივი ატმოსფეროა.
ივნისი-სექტემბერი საუკეთესო სეზონია სარდინიის სანაპიროებზე დასვენებისთვის
ივნისიდან სექტემბრამდე სარდინიაზე თბილი და მზიანი ამინდია. ამ დროს აქ წყლის ტემპერატურა 20-დან 26 გრადუსამდე მერყეობს. ნავის ტურები და წყლის სპორტის სერვისები ამ დროს სულ მუშაობენ. ამ პერიოდში აუცილებლად გამოიყენეთ მზისგან დამცავი კრემი. განსაკუთრებით მაღალია ტურისტების რიცხვი ივლისსა და აგვისტოში.
გაზაფხული და შემოდგომა საუკეთესო სეზონია გარე აქტივობებისთვის და ფასებისთვის
აპრილის შუა რიცხვებიდან ივნისის დასაწყისამდე აქ არსებული ზომიერი კლიმატი სარდინიის სალაშქრო ბილიკების გამოკვლევის საშუალებას მოგცემთ. გაისეირნეთ სუპრამონტეში, ოროსეის ყურეში და იგლესიენტეს ნაპირზე. სექტემბერი და ოქტომბერი იდეალურია ლაშქრობისთვის. ამ დროს აქ ჩამოსული ვიზიტორები ფასდაკლებული ფასებით ისარგებლებენ.
იანვარი აპრილი საუკეთესო დროა სარდინიაზე ფერადი ფესტივალების სანახავად
სარდინიაზე სახასიათო კულტურული ღონისძიებები ეწყობა, განსაკუთრებით იანვრიდან აპრილამდე პერიოდში. გაეცანით სარდინიის კულტურას და შეიქმენით დაუვიწყარი მოგონებები. იანვარში ეწყობა წმ. ანტონიოს დღეობა, თებერვალსა და მარტში ღონისძიებები ცხენებით, აპრილში აღდგომასთან დაკავშირებული დღესასწაულები. ალგეროში შეგიძლიათ დაესწროთ კატალანური კულტურის ფესტივალებს.
ზამთარი წვიმიანი სეზონია და ბევრი ბიზნესი ამ დროს დაკეტილია
დეკემბერსა და იანვარში სარდინიაზე წვიმების ყველაზე დიდი შანსია. ამ დროს ბევრი სასტუმრო, რესტორანი და ბარი აქ დაკეტილია. თუმცა, დიდ ქალაქებში ბიზნესი მაინც ჩვეულებრივად მუშაობს.
