რა ვნახოთ

სად იპოვნით საუკეთესო ხედებს რომში

რომში ბევრი ლამაზი ბაღი და პარკია, სადაც ქალაქზე საუკეთესო ხედები იშლება. ესტუმრეთ იტალიის დედაქალაქის გარშემო არსებულ 4 მთას, რათა ამ მარადიულ ქალაქს უკეთ დააკვირდეთ.

Orange Garden

ელეგანტურ უბან ავენტინოში ეს მშვენიერი ბაღი რომის ჰორიზონტს გადმოჰყურებს. წმ. პეტრეს გუმბათი ხედის დომინანტური ფიგურაა და აქ იტალიის დედაქალაქის პანორამულ ფოტოებს გადაიღებთ. ბაღში ფიჭვები და უზარმაზარი ფორთოხლის ხეებია. როგორც წესი, პარკი შებინდებამდე ღიაა, ასე რომ მოიწყვეთ აქ პიკნიკი. ამ ბაღიდან მიქელანჯელოს მშვენიერ გუმბათზეც იდეალური ხედი იშლება.

Gianicolo

ეს ქალაქში სიდიდით რიგით მეორე მთაა და რომის ავთენტურ გამზირს, ტრასტევერეს გადმოჰყურებს. ადით მასზე და თქვენ ქალაქის საოცარი ხედებით დაჯილდოვდებით. გამოიკვლიეთ რომი მაღლიდან, შეათვალიერეთ პომპეზური მონუმენტი ვიტორიო. აქ მხოლოდ ქალაქის ხედებით არ დატკბებით, შეგიძლიათ იხილოთ მე-16 საუკუნის შადრევანი პაოლა და პატარა რენესანსის დროინდელი საყდარი ტემპიეტო დელ ბრამანტე.

Il Pincio

Villa Borghese – რომში ეს ცნობილი პარკი უყურადღებოდ ნამდვილად არ უნდა დატოვოთ. აქ ბევრი რამაა სანახავი, კლასიკური სკულპტურებით დაწყებული, გალერეაში გამოფენილი ნახატებით დასრულებული. აქ აღმოაჩენთ შექსპირის თეატრის რეპლიკასაც, ისეირნებთ გედებით სავსე ტბის გარშემო. აუცილებლად გაჩერდით პინჩიოს ტერასაზე და გადახედეთ ნეოკლასიკურ პიაცა დელ პოპოლოს, რომელიც რომის ხედებიდან ერთ-ერთ საუკეთესო რაკურსად ითვლება.

Terrazza Caffarelli

ზემოთ ჩამოთვლილ ადგილებში ხედები საუცხოოა, თუმცა თავს მუდამ ბევრ ხალხში აღმოაჩენთ. იმისათვის, რომ გადაჭედილ ადგილებს თავი აარიდოთ, კაფარელის ტერასას ესტუმრეთ. კაპიტოლინის მთაზე მდებარე ეს პარკი, რომელიც კაპიტოლინის მუზეუმის სიახლოვეს მდებარეობს, დღემდე საოცრად მშვიდ ადგილად რჩება. ადით კიბეებზე და შეუხვიეთ მარჯვნივ, იმის მაგივრად რომ გზა პიაცას ცენტრში გააგრძელოთ. თქვენ იქ პატარა ბაღს აღმოაჩენთ, რომელიც ებრაულ უბანს და ვიტორიო ემანუელის მონუმენტს უნიკალური რაკურსით გადაჰყურებს. აქ დაგხვდებათ კაფეც, თუ ხედებით ტკბობა ჭიქა ღვინოსთან ერთად გსურთ.

ტეგები

შენი მეგზური

ქართული ტურისტული კომპანია და სამოგზაურო ბლოგი. ვაწყობთ ჯგუფურ და ინდივიდუალურ ტურებს.

მსგავსი ბლოგები

ევროპაევროპა
ევროპა17 სექ 2026

6 ნაკლებად ცნობილი ხმელთაშუაზღვის მიმართულება სანტორინის და ამალფის სანაპიროს ნაცვლად

პორტო-ერკოლე, კორჩულა, პაროსი, სენ-ჟან-კაპ-ფერა, მენორკა და მალტა: ხმელთაშუა ზღვის 6 ალტერნატივა სანტორინისა და ამალფის ნაცვლად.

ევროპაევროპა
ევროპა31 აგვ 2026

6 მიმართულება, რომელიც ჰომეროსის “ოდისეას” ცნობილი მითების შთაგონებად იქცა

ითაკა, ჩირჩეოს ეროვნული პარკი, მესინის სრუტე, აჩი-ტრეცა და გოზო: რეალური ადგილები, რომლებმაც ჰომეროსის „ოდისეას“ მითები შთააგონა.

იტალიაიტალია
იტალია20 აგვ 2026

დაუწერელი კანონები, რომლებიც იტალიაში ვიზიტამდე უნდა გაითვალისწინოთ

მისალმება, ჩაცმა, საუზმე, ყავა ბართან, კაპუჩინოს წესი და რესტორნის გადასახადები: რა უნდა იცოდეთ იტალიაში წასვლამდე. იმოგზაურეთ „შენს მეგზურთან“ ერთად.

გინდა ამ მიმართულებით წასვლა?დაგიგეგმავთ ტურსმოგვწერე
Habinetჯგუფის კომპანიები