ისტრიას მთებში თქვენ აღმოაჩენთ ლამაზ შუასაუკუნეების სოფელს სახელად გროჟნიანს. მას “არტისტების ქალაქსაც” უწოდებენ. ამ მთიან ქალაქში ანტიკური არქიტექტურა, ქვაფენილიანი ქუჩები და ადგილობრივი გალერეებია. არ აქვს მნიშვნელობა ხელოვნება გიყვართ, ისტორია თუ უბრალოდ მშვიდი გასაქცევი გსურთ, ხორვატიაში მოგზაურობისას გროჟნიანი არაჩვეულებრივი არჩევანი იქნება. სოფელს ბევრი მმართველი ყოლია, მაგრამ ვენეციელებმა მასზე ყველაზე დიდი გავლენა იქონიეს. 60-იან წლებში ამ დასახლებას ბევრმა არტისტმა და მუსიკოსმა მიაკითხა რათა მშვიდ ატმოსფეროსა და ლამაზ ბუნებაში ეცხოვრა. მათი წყალობით გროჟნიანი ნამდვილი კულტურული ჰაბი გახდა.
1. გაისეირნეთ ძველი ქალაქის ქუჩებში
ხორვატიაში ერთ-ერთი საუკეთესო აქტივობა ისტორიული ძველი ქალაქის ფეხით მოვლაა. გაისეირნეთ ვიწრო ქვაფენილიან ქუჩებში და შეიგრძენით შუასაუკუნეების შარმი. აქ სადაც არ უნდა გაიხედოთ, ლამაზი არქიტექტურა და მომხიბვლელი მოედნებია. სახლები მორთულია ყვავილებით.
2. ეწვიეთ ადგილობრივ მევენახეობას ან მარანს
ისტრია ცნობილია მისი გემრიელი ღვინით და გროჟნიანიც გარშემორტყმულია ადგილობრივი მევენახეობით. აქ ღვინის დასაგემოვნებელ ტურებს შემოგთავაზებენ. გირჩევთ ორ მათგანს: Kozlović Winery და Kabola Winery.
3. დაათვალიერეთ არტისტების სტუდიები და გალერეები
გროჟნიანს “არტისტების ქალაქს” უწოდებენ, რაც იმას ნიშნავს, რომ აქ ადგილობრივ გალერეას აუცილებლად უნდა ეწვიოთ. დასახლება სავსეა მაღაზიებით, სადაც ნახატებს, საკმაულებს და კერამიკას შეიძენთ. ნუ დატოვებთ გროჟნიანს სუვენირის შეძენის გარეშე.
4. დალაშქრეთ ბილიკები
სოფლის გარშემო ბევრი სასეირნო ბილიკია, რომლებიც არემარეზე ულამაზეს ხედებს გთავაზობენ. დატკბით მთებით, ზეთისხილის ხეებით და ვენახებით.
გროჟნიანი 230 მ. სიმაღლის მთაზე მდებარეობს, სანაპირო ქალაქ პულადან 70 კილომეტრში და სლოვენიის საზღვრიდან 30 კილომეტრში. შეგიძლიათ აქ პულას აეროპორტიდან მოხვდეთ.
საუკეთესო კაფე-რესტორნები:
- Cafe Vero
- aModomio
- Bastia
- Taverna Gromani
- Mama Maria
- Truba Bar
