სანურში ბალის უნიკალურ კულტურას გაეცნობით და ბუნების ულამაზეს ლანდშაფტებს იხილავთ. ისტორიული ძეგლები მოიცავენ “მოჩვენებათა ქალაქსაც”. სანურის სანაპირო ბალიზე პირველი საკურორტო სანაპირო იყო.
სანურის სანაპიროები
სანურის სანაპირო ზოლი 8 კილომეტრზეა გაჭიმული. ის მოიცავს: მერტასარის, სემავანგის, პანტაის, საგარას და სინდჰუს სანაპიროებს. ფეხით სავალი გზა მთავრდება დიდ ბალის სანაპიროსთან, რომელიც კუნძულის ყველაზე პოპულარული ნაპირია.
ბლანჯონგის საყდარი/Blanjong Temple
ეს ბალის უძველესი არტეფაქტია, რომელიც 914 წლით თარიღდება. მასზე ისტორიული წარწერებია დატანილი უძველესი დინასტიების შესახებ. აქ ასევე ნახავთ ცხოველების ქანდაკებებს და ქვიშის სკულპტურებს. ეს ეროვნული მემკვიდრეობის ძეგლი ვიზიტორებს მთელი წელი მასპინძლობს.
დაივინგი სანურში
სანურში წყალი კუტაზე ცივია, მაგრამ აქ თევზების ასობით სახეობა და ულამაზესი კლდის რიფებია. სანურის სანაპირო ბალის წყალქვეშა ლანდშაფტის აღმოსაჩენად მშვენიერი ადგილია.
სიმარას სანაპირო სანურში/Cemara Beach
ამ სანაპიროზე იმ კლდეების წყალობით, რომლებიც სანაპირო ზოლს იცავენ, ტალღები ძალიან მშვიდია. აქ შეგიძლიათ ისეირნოთ ან ველოსიპედით იაროთ და მზის ამოსვლის თუ ჩასვლის მშვენიერი ხედებით დატკბეთ.
მერტასარის სანაპირო/Mertasari Beach
ეს სანაპირო სოფელ სანურის ნაწილია. აქ შეგიძლიათ ისიამოვნოთ თევზაობით, ნავით სეირნობით და ტურისტული აქტივობებით. სანაპირო პოპულარულია კიტსერფერებშიც. ის ახლოსაა ბალის მუზეუმთან, ჯაგანთას საყდართან და ბაჯრა სანდის მონუმენტთან.
გრივა სანტრიანის გალერა/Griya Santrian Gallery
ეს გალერეა რეგულარულად მასპინძლობს ხელოვნების გამოფენებს და ადგილობრივ თუ საერთაშორისო არტისტებს. ის სანურის და ზოგადად ბალის ერთ-ერთი საუკეთესო და პრესტიჟული გალერეაა.
დიდი ბაღის კუთხე
ეს ქვის სკულპტურების და ყვავილების ბაღი სანურის გამორჩეული ადგილია სასეირნოდ. აქ ნახავთ ღმერთების და ბალის კულტურის გამორჩეული ფიგურების ქანდაკებებს, ასევე არტ ინსტალაციებს გადამუშავებული მასალებით. ის პოპულარული სარეკრეაციო ზონაა, სადაც მოიწყობთ პიკნიკს და გადაიღებთ ფოტოებს. ღიაა 9-დან 9-მდე.
ქართული ტურისტული კომპანია და სამოგზაურო ბლოგი. ვაწყობთ ჯგუფურ და ინდივიდუალურ ტურებს.
