პუერტო რიკოში ბევრი შთამბეჭდავი ლანდშაფტია, რომელიც საინტერესო შთაბეჭდილებებს გაზიარებთ. ტყეებით, მთებით და იდილიური სანაპიროებით თავმომწონე პუერტო რიკო ეკოტურიზმის სამოთხეა. ბევრი ადამიანი აქ გარე აქტივობებისთვის ჩამოდის: სალაშქროდ, ზიპლაინისთვის, სერფინგისთვის; მაგრამ კულტურულად მდიდარი მემკვიდრეობის გამო რჩებიან. საოცარი კარიბის ზღვის ღამის ცხოვრება და მრავალფეროვანი ბარ-რესტორნები აქ დასვენებას გაგიხალისებთ.
1. გაისეირნეთ სან სებასტიანის ქუჩაზე სან ხუანში
ისტორიული შენობებით ჩამწკრივებული სან სებასტიანის ქუჩა ვიზიტორებს შანს აძლევს ქალაქის ძველებური ხიბლი შეიგრძნონ. ის ერთ-ერთი ულამაზესი ქუჩაა კუნძულზე. გადაიღებთ ფოტოებს ფერად აივნებთან, ვიწრო ხეივნებში, ხედებით ატლანტიკის ოკეანეზე. საღამოობით აქ ბევრი ბარი იხსნება, იცეკვებთ სალსას ჰანგებზე ან ელექტრონულ მუსიკაზე.
2. ეწვიეთ პუერტო რიკოს უფასო სანაპიროებს
უზარმაზარი სანაპირო ზოლით და ბევრი ნაპირით დამშვენებული პუერტო რიკო ყველას ინტერესს დააკმაყოფილებს. აქ ცურვის და მზეზე მიფიცხების გარდა, დაკავდებით სერფინგით, სნორკელინგით, ლაშქრობით წყლისპირა კლდეებზე. ყველა სანაპირო საჯაროა. რამდენიმე გამორჩეული მათგანია ფლამენკოს სანაპირო, ლა პოსიტა და ლა პლაუელე.
3. გაისეირნეთ კანიონში
სან კრისტობალის კანიონი ერთ-ერთი ყველაზე გამორჩეული ბუნების საგანძურია პუერტო რიკოში. ის ორ ქალაქს, აიბონიტოს და ბარანკიტას, შორის მდებარეობს. დღეს აქ კუნძულის ყველაზე შთამბეჭდავი სალაშქრო ბილიკი შეგხვდებათ. შეგიძლიათ იცურაოთ ჩანჩქერის ქვეშ, ჯუნგლების გარემოცვაში. შეუერთდით გიდის ტურებს.
4. მიირთვით ყავა პუერტო რიკოულად
პუერტო რიკოში ყავა რიტუალია. აქ იშვიათად ნახავთ ადამიანებს ყავით ხელში მანქანაში ან ქუჩებში სწრაფად სიარულისას. პუერტო რიკოში ყავის სმისგან სიამოვნებას იღებენ და მშვიდდებიან. შეგიძლიათ შეუერთდეთ ვორქშოფებს სადაც გაიგებთ თუ რატომაა პუერტო რიკოს ყავა ასეთი გამორჩეული. შეგიძლიათ თან წაიღოთ ყავის შეკვრა როგორც სუვენირი.
5. სერფინგი რინკონის ტალღებში
მას შემდეგ, რაც რინკონის დომის სანაპიროზე 1968 წელს მსოფლიო სერფინგის ჩემპიონატი გაიმართა, ქალაქები აგადილა, რინკონი და იზაბელა სერფერებისთვის ტოპ მიმართულებად იქცა. აქ სიამოვნებას მიიღებთ თბილი წყლით და ილივლივებთ კარიბის ზღვის მაღალ ტალღებში.
6. გამოსცადეთ ზიპლანი ტორო ვერდეში
ადრენალინის მოყვარულებს ეს სათავგადასავლო პარკი ძალიან მოეწონებათ. შეგიძლიათ გამოსცადოთ ზიპლაინი და გადმოხედოთ კუნძულს ჩიტის სიმაღლიდან. ზიპლაინის გარდა პარკში ისიამოვნებთ საცოცი კედლით, დაკიდული ხიდებით, მინდვრებით და ბილიკებით.
