იაპონიის დედაქალაქის გამოკვლევა დაუვიწყარი გამოცდილებაა, თუმცა არც ისე იაფი. თუ გაინტერესებთ თუ რა აქტივობებით დაკავდებით ტოკიოში უფასოდ ან რა ადგილებს მოინახულებთ აქ 1 თეთრი იენის დახარჯვის გარეშე, შენი მეგზურის ბლოგს გადახედეთ:

1. დაათვალიერეთ საიმპერატორო სასახლის ბაღები

ტოკიოს საიმპერატორო სასახლის გარშემო 5 კმ სიგრძის ბილიკია, რომელიც შუასაუკუნოვან ხიდებსაც მოიცავს. გაზაფხულზე ეს არაჩვეულებრივი გზა საკურას ყვავილობით კიდევ უფრო მშვენიერი ხდება.

2. სენსო-ჯი: ტოკიოს საკულტო ბუდისტური საყდარი

Sensō-ji – ტოკიოს ყველაზე ცნობილი ბუდისტური საყდარია. მასთან მისვლამდე გაივლით სუვენირების დახლებსაც. სენსო-ჯი ტოკიოში ყველაზე ხშირად მონახულებადი რელიგიური მონუმენტია. აქ ნახავთ ადგილობრივებს ტრადიციული კიმონოებითაც. საყდარი ღიაა დილის 6 საათიდან.

3. აღმოაჩინეთ ჰარაჯუკუს ცოცხალი ქუჩები

ჰარაჯუკუს უბანი გამორჩეული ფერადი დასახლებაა თანამედროვე შენობებით და მრავალფეროვანი ბუტიკებით. აქ სხვადასხვა კულტურების საპატივცემულო ფესტივალებიც ტარდება.

4. მიყევით ხალხს შიბუას გზატკეცილზე

Shibuya Crossing – მსოფლიოს ერთ-ერთი ყველაზე დატვირთული გადასასვლელია. მიყევით ხალხს და შეიგრძენით ავთენტური დინამიკა.

5. ეწვიეთ ტოკიოს უცნაურ, ლამაზ და უფასო მუზეუმებს

ტოკიოს მსოფლიოში გამორჩეული მუზეუმები აქვს. ბევრ მათგანში შესვლა უფასოა. ცისარტყელას მუზეუმი (The Rainbow Sewerage Museum) ინტერაქციულ გამოფენებს მოიცავს. უფასოა ასევე იაპონიის ვალუტის მუზეუმი (Japan Currency Museum). შეგიძლიათ შეხვიდეთ სარეკლამო მუზეუმშიც (Advertising Museum Tokyo), სადაც იაპონიის კომერციული ისტორია ვიზუალურადაა მოყოლილი.

6. გაისეირნეთ მეიჯი-ჯინგუს ტყეში

Meiji-jingū – ტოკიოს ტყე-პარკია, სადაც ტრადიციულ ნაგებობებთან ერთად, სრულ სიმშვიდეში ისეირნებთ და ბუნებით დატკბებით.

7. გაიარეთ ცისარტყელას ხიდზე ოდაიბაში

ღამით ეს ხიდი ცისარტყელას ფერებშია განათებული და ტოკიოს ღამის ხედებს გთავაზობთ. 800 მ. სიგრძის ხიდი ხელოვნურ სანაპიროზე გაგიყვანთ, სადაც თავისუფლების ქანდაკების რეპლიკა დგას.

8. აიღეთ ტური საკრებულოს შენობაში

იაპონიის სამთავრობო საკრებულოს შენობაში გარკვეულ დროებში 1 საათიანი ვიზიტი უფასოა. საინტერესოა მისი ხის ინტერიერი და ბაღები, სადაც მცენარეები მთელი ქვეყნიდანაა ჩამოტანილი. ნახავთ გალერეას, იმპერატორის ოთახს და სასამართლო დარბაზს. ინგლისური ტურები ძირითადად ტარდება 2-3 საათზე სამუშაო დღეებში.

9. ისიამოვნეთ ტოკიოს კიდევ ერთი ბაღით

ტოკიოს საჯარო პარკები და ბაღები ცალკე სანახაობაა. გირჩევთ უენო-კოენს (Ueno-kōen) და ინოკაშირა-კოენს (Inokashira-kōen), სადაც ფასიანი სტუდიო გიბლის მუზეუმი მდებარეობს.

10. გადმოიხედეთ ტოკიოს მეტროპოლიტენის სამთავრობო შენობიდან

ამ 202 მ. სიმაღლის შენობის გადმოსახედიდან მოწმენდილ ცაზე მთა ფუჯისაც დაინახავთ. ღამით ნეონებით განათებული ტოკიოთი მოიხიბლებით.

11. შეათვალიერეთ ცუკიჯის ბაზრობის ქუჩის დახლები

Tsukiji Market – ეს არის საკვები ბაზრობა, სადაც ადგილობრივ იაპონურ სამზარეულოს გამოიკვლევთ და დააგემოვნებთ. გაისეირნეთ სუმიდას მდინარის ბულვარში და იხილავთ მუსიკოსებს, მორბენლებს და ხელსაქმით დაკავებულ ადამიანებს.

12. ადით მთა ტაკაოზე

ზღვის დონიდან 599 მ. სიმაღლეზე მდებარე ამ მთას გადმოსახედი და ბუდისტური საყდარი აქვს. აქ რამდენიმე სალაშქრო ბილიკია, ყველანაირი ფიზიკური შესაძლებლობისთვის. შემოდგომაზე არემარე განსაკუთრებით ფერადია.