პორტუგალიის ეს პატარა ფენომენალური კუნძული სამოთხეა ყველასთვის, ვინც მას ეწვევა. ის ამავე სახელწოდების ქალაქის, ვილა ფრანკა დო კამპოს მოპირდაპირედ მდებარეობს წყალში და წრის ფორმის ბუნებრივ ლაგუნას წარმოადგენს. მას “პრინცესას ბეჭდსაც” უწოდებენ.
ლაგუნას კრისტალივით სუფთა წყალი და საოცარი სანაპირო იდეალურია საცურაოდ, სნორკელინგისა და დაივინგისთვის. ვილა ფრანკა დო კამპო (Vila Franca do Campo) ბრწყინვალე ადგილია ერთდღიანი ვიზიტისთვის. ის ყველაზე ხშირად მონახულებადი კუნძულია საო მიგელში, აზორეში.
ეს კუნძული ანტიკური წყალქვეშა ვულკანის შედეგად შეიქმნა და მისი უმაღლესი წერტილია ზღვის დონიდან 62 მეტრი. ამ მრგვალი ლაგუნას ტურისტული სეზონია ზაფხული – ივნისიდან ოქტომბრამდე. წლის სხვა პერიოდში კუნძული დაკეტილია.
ამ წყლებში 24 უნიკალური სახეობის თევზია დარეგისტრირებული და თევზაობა თუ წყალმცენარეების მოწყვეტა მკაცრადაა აკრძალული. ვილა ფრანკა დო კამპოზე ბორნები დადიან, რომელთა ღირებულებაა 10 ევრო. შეზღუდვაა ტურისტების რაოდენობაზე. კუნძულის მდიდარი ფლორის და ფაუნის შენარჩუნების მიზნით, აქ ერთდროულად 200 ადამიანზე მეტს არ უშვებენ.
ქართული ტურისტული კომპანია და სამოგზაურო ბლოგი. ვაწყობთ ჯგუფურ და ინდივიდუალურ ტურებს.
