შვეიცარია ულამაზესი ქვეყანაა გასაოცარი ლანდშაფტით, შთამბეჭდავი ტბებით და მთებით. ამიტომაც, როდესაც ირჩევთ თუ სად ისრიალოთ ევროპაში, ამაზე უკეთესი ადგილის მონახვა გაგიჭირდებათ. მშვიდი სოფლები თუ უზარმაზარი ქალაქები საუკეთესო ზამთრის კურორტებს გვთავაზობენ. შეგიძლიათ მათ საფრანგეთიდან, იტალიიდან, გერმანიიდან ან ავსტრიიდანაც კი ეწვიოთ.
St. Moritz/მორითზი
აღმოსავლეთ ალპების უმაღლესი მწვერვალის, პიზ ბერნინას სიახლოვეს შვეიცარიის ერთ-ერთი საუკეთესო კურორტი მდებარეობს. მან ზამთრის ოლიმპიადას უკვე ორჯერ უმასპინძლა. თხილამურებისთვის და სნოუბორდისთვის აქ ბრწყინვალე ბილიკებია. მორითზის ტბა კი იყინება.
Zermatt/ზერმატი
საკულტო მწვერვალის, მატერჰორნის სუნთქვის შემკვრელი ხედები ზერმატს საოცარ ატმოსფეროს უქმნის. მას მომხიბვლელი საფეხმავლო სოფელი აქვს სხვადასხვა სირთულის ტრასებით. აქ ბევრ კომფორტულ ბარს აღმოაჩენთ, სადაც ბენდების ლაივ-შესრულებას მოისმენთ.
Wengen/ვენგენი
ვენგენი ევროპაში ის იშვიათი კურორტია, სადაც მანქანები არ მოძრაობენ. აქ ფანტასტიკური ტრასები დაგხვდებათ, განსაკუთრებით მსოფლიო დონის ლაუბერჰორნი. ვენგენში ბავშვები კარგად გაერთობიან, რადგანაც აქ მათთვის სრული კომფორტია მოწყობილი.
Davos/დავოსი
შვეიცარიის ერთ-ერთი უდიდესი კურორტი, უამრავ სასრიალო ბილიკს გთავაზობთ. მათი უმეტესობა ტყეშია გაკვალული და სრიალის დროს ულამაზეს ველს უმზერთ. აქ ბევრი ბარი და სასტუმროა, საუკეთესო სპორტული აღჭურვილობა, საცურაო აუზები და ყინულის მოედანი.
Mürren/მიურენი
ის ვინც, მშვიდ ზამთრის კურორტს ეძებს, შვეიცარიაში მიურენს უნდა მიანიჭოს უპირატესობა. ეს იდილიური პატარა სოფელი ალპებში მდებარეობს და პანორამულ ხედებს სამ მთაზე გვთავაზობს. მიურენს იდეალურ შვეიცარიულ სათხილამურო კურორტს უწოდებენ, რომლის სილამაზეც დაუჯერებელია. აქ ყველაფერი საუკეთესო ხარისხისაა.
