საბერძნეთის ბაზრობებსა და სუპერმარკეტებში პროდუქტებზე ვაჭრობა ბერძნული კულტურის ნაწილია. ადგილობრივებისთვის ხარისხიანი საკვებ-სასმლის ყიდვა მნიშვნელოვანია და ამას სერიოზულად უდგებიან.
სად უნდა ივაჭროთ პროდუქტებზე საბერძნეთში?
საბერძნეთის დიდ ქალაქებში დიდი სუპერმარკეტების პოვნა არ გაგჭირდებათ. ადგილობრივები გვირჩევენ: AB Vassilopoulos და Sklavenitis. ეს სუპერმარკეტები პროდუქციის მრავალფეროვნებას გვთავაზობენ. სოფლებსა და კუნძულებზე კი სასურსათო მაღაზიები უფრო პატარა და თანამედროვეა. ისინი ადგილობრივ პროდუქციაზე ფოკუსირდებიან. აქ შეიძენთ ახალ ხილს, ბოსტნეულს, ზეითუნის ზეთს, თხილს და აშ. საბერძნეთის სოფლებში კარგ საკვებს ქუჩის დახლებზეც იპოვნით. უფრო ფართო გამოცდილებისთვის კი ეწვიეთ საჯარო ბაზრობებს – აგორებს.
როგორ უნდა ივაჭროთ ისე, როგორც ბერძენმა
საბერძნეთში სეზონური პროდუქცია ძალიან დაფასებულია. აქაურები ადგილობრივ ინგრედიენტებს ამჯობინებენ. ბერძნული სამზარეულოს ტრადიციული კერძები ბერძნული კულტურის მნიშვნელოვანი ნაწილია. პატივსაცემია ხმელტაშუაზღვიური დიეტაც, რომელიც დაბალანდებულ კვებას მოიაზრებს. ბერძნები სურსათის შესაძენად კვირაში ორჯერ ან სამჯერ გადიან. ახალი პურისთვის და ცომეულისთვის ეწვიეთ ფურნოს (fourno), საცხობს, სადაც ახლად გამომცხვარი პურ-ფუნთუშეული დაგხვდებათ. თუ ზღვის პროდუქტების მოყვარული ხართ, მაშინ მოძებნეთ თევზის ბაზრობები. ახლად დაჭერილ თევზს მოგყიდიან სანაპიროებზეც. ტკბილეულისთვის კი ეწვიეთ ბერძნულ ნამცხვრის მაღაზიებს, სახელად – zacharoplastia.
რა პროდუქტები უნდა გასინჯოთ საბერძნეთში
ბერძნული იოგურტი
საუკეთესო ბერძნულ იოგურტს აწარმოებს Fage. მისი იოგურტები საბერძნეთშიც და ქვეყნის გარეთაც ძალიან უყვართ. შეგხვდებათ სხვადასხვა ცხიამიანობით, 5%-იანი ყველაზე კრემისებრია.
კასერის ყველი
ალბათ გაგიგიათ ფეტა, მაგრამ არა კასერი. ეს რბილი ყველი ცხვრის და თხის რძისგან მზადდება. ის კარგია როგორც კერძებში, ასევე ცალკე მისაყოლებლად.
დამარინადებული რვაფეხა
რვაფეხას დამარინადების ბერძნული ვერსია მოიცავს წითელი ღვინის ძმარს და არომატულ მწვანილებს, მათ შორის ორეგანოს. გემოებით გაჯერებული კერძი ზაფხულის გემოს მოგაგონებთ. მას ხშირად მიირთმევენ როგორც აპეტაიზერს.
ბერძნული სოუსები: ძაძიკიდან სკორდალიამდე
ძაძიკი კლასიკური იოგურტის, ნივრის და კიტრის სოუსია, რომელიც ძალიან უხდება პიტას, ბოსტნეულს და ხორცს. ასევე ძალიან გემრიელია სკორდალია – ნივრის, კარტოფილის და ლიმნის სოუსი, რომელიც საერთაშორისოდაა ცნობილი. ძაძიკის მსგავსად, ის უხდება პიტას და სხვადასხვა პროტეინებს, მათ შორის ქათმის ხორცს.
ადგილობრივი თაფლი
თაფლი საბერძნეთში ანტიკური ხანებიდან უყვართ. აუცილებლად დააგემოვნეთ ადგილობრივი თაფლი, რომელსაც ყველა რეგიონში აღმოაჩენთ.
ორეგანოს ჩიფსები
საბერძნეთის დატოვებამდე აუცილებლად დააგემოვნეთ ორეგანოს კარტოფილის ჩიფსები, კლასიკური სნექი ნებისმიერი მომენტისთვის.
დოლმადები
ვაზის ფოთოლში გახვეული ტოლმა ბერძნული სამზარეულოს ერთ-ერთი მთავარი კერძია. ვეგეტარიანელებისა და ვეგანებისთვის არსებობს მისი ბრინჯიანი ვერსია.
შოკოლადი
მართალია საბერძნეთი ევროპის სხვა ქვეყნებისგან განსხვავებით შოკოლადის წარმოებით ცნობილი არაა, მაგრამ აქ აუცილებლად უნდა დააგემოვნოთ რძიანი შოკოლადი თხილით.
ფილოს ნამცხვრები
დემოკრატიის, თეატრის და ოლიმპიური თამაშების გარდა, საბერძნეთი ცნობილია ფილოს ნამცხვრებითაც (Filo pastries). აქ დააგემოვნებთ ყველის ორცხობილას – ტიროპიტას, ისპანახის ორცხობილას – სპანაკოპიტას და ზუკინის ორცხობილას – კოლოკიტოპიტას. უფრო ტკბილი ვერსიაა – ბუგათსა.
რჩევები ბერძნულ სურსათებში შოპინგისას:
თუ ძალიან სავსე არაა, დაამყარეთ სოციალური კავშირები: შეამჩნევთ, რომ ადგილობრივები ხშირად ესაუბრებიან სურსათის თანამშრომლებს. ეს საუბრები ხშირად სულაც არ ეხება იმ პროდუქტებს, რასაც ყიდულობენ. სოციალიზაცია მათთვის ყოველდღიური ცხოვრების ნაწილია. უბრალოდ მიესალმეთ ან კარგი დღე უსურვეთ თანამშრომლებს. არ დაგავიწყდეთ მადლობაც.
საუკეთესო დრო სავაჭროდ: საბერძნეთის ბევრ ნაწილში, სიესტა ისევ აქტუალურია. ეს ნიშნავს, რომ მაღაზიები დღის 2 საათიდან დღის 5 საათამდე იკეტებიან. სურსათში ვიზიტისთვის საუკეთესო დროა დილა, 9-დან 10 საათამდე. ლანჩის დროს სუპერმარკეტები იტვირთება. პროდუქტებს ვერ შეიძენთ კვირა დღეს, რადგანაც ყველაფერი დაკეტილია.
გადახდა: ბერძნული სურსათების უმრავლესობა იღებს ქეშსაც, ფიზიკურ ბარათებსაც და ტელეფონით გადახდასაც. სოფლებში შესაძლოა მუშაობდნენ მხოლოდ ქეშზე.
