ტრადიციული მაროკოული სამზარეულო საკმაოდ დამანაყრებელი და გემოებით გაჯერებულია. ჩვენი მეგზური დაგიგეგმავთ ტურს მაროკოში და ამ ბლოგში გასტრო რჩევებს მოგცემთ:

ტრადიციული ფერადი ტაფის კერძები – ტაჯინები

მაროკოში აუცილებლად უნდა იპოვნოთ თქვენი ფავორიტი ტაჯინი (Tajine). ყველაზე გავრცელებული ტაჯინია ლიმნით, ზეთისხილით, ცხვრის ან საქონლის ხორცით და ტომატის სოუსით.

სად უნდა დააგემოვნოთ: Dar Hatim in Fez.

ბროშეტი ქუჩის კვების დახლებიდან

მაროკოულ ქაბაბს შეზავებულს ცხარე ჩილის სოუსში ბროშეტა (brochette) ეწოდება. მას ამზადებენ ცხვრის, ქათმის და საქონლის ხორცით.

სად უნდა დააგემოვნოთ: Djembe El Fna 

მაროკოს ეროვნული კერძი

Couscous – ბოსტნეულის კერძია ყაბაყით, სტაფილოთი, კარტოფილით და ხახვით.

სად უნდა დააგემოვნოთ: Al Mounia (კასაბლანკა).

ჩაიტკბარუნეთ პირი მაროკოული დესერტით

cornes de gazelle – პატარა ორცხობილობებია ნუშით, რომელსაც მთელი ქვეყნის მასშტაბით ნახავთ. მას ძირითადად აყოლებენ ცხელ პიტნის ჩაის, მომზადებულს ადგილობრივი რეცეპტით.

სად უნდა დააგემოვნოთ: Pâtisserie Bennis Habous (კასაბლანკა)

გაუგეთ გემო ბასტილას

Bastila/Pastilla – ტრადიციული მაროკოული კერძია – ღვეზელი, რომელსაც ავსებენ ქათმით, კვერცხით და ხახვით. მაროკოს ზოგიერთ რეგიონში მას თევზისგანაც ამზადებენ.

სად უნდა დააგემოვნოთ: Ruined Garden (ფეზი).

სუპი: ბისარა

Bissara – მარცვლეულის სუპია, რომელსაც ყველაზე ხშირად საუზმეზე მიირთმევენ და ახლად გამომცხვარ პურს აყოლებენ.

სად უნდა დააგემოვნოთ: Baissara Ansar

ისიამოვნეთ პიტნის ჩაით

მაროკოში პიტნის ჩაი ძალიან პოპულარული სასმელია და მას “ბერბერ ვისკის” უწოდებენ. ამ მწვანე ჩაის ყველგან შემოგთავაზებენ – სასტუმროში მისვლისას თუ სტუმრობისას. ნახავთ პატარა ჩაის მაღაზიებსაც.

სად უნდა დააგემოვნოთ: Pâtisserie Driss (ესაურა)

პროდუქტები წლის მანძილზე:

გაზაფხული (მარტი–მაისი): ავოკადო, ატამი, ფორთოხალი და მარწყვი. მიირთვით ამ ხილის წვენები.

ზაფხული (ივნისი-აგვისტო): საზამთრო, პომიდორი, ყურძენი.

შემოდგომა (სექტემბერი–ნოემბერი): ბროწეული, ყურძენი. მაროკოში მრავალფეროვანი სახეობის ყურძენი მოყავთ.

ზამთარი (დეკემბერი–თებერვალი): სტაფილო, კარტოფილი და ხახვი.

რამადანის დროს მაროკოელები მხოლოდ მზის ამოსვლამდე და მზის ჩასვლის მერე ჭამენ. ამ დროს დღის მანძილზე რესტორნებიც დაკეტილია.