ტაილანდის პატარა კუნძული კო ჰე – ფუკეთიდან 15 წუთის გზაზე მდებარეობს. აქ იხილავთ ბანანას სანაპიროს, რომელიც აზიის საუკეთესო სანაპიროდაა აღიარებული. ამ ტროპიკულ სამოთხეში ყველანაირი წყლის სპორტით დაკავდებით.
აქ თეთრი ფითქინა ქვიშა, გამჭვირვალე წყალი და საოცარი სიმწვანეა. ფუკეთში დასვენებისას, აქ ნავით გადახვალთ. ბანანას სანაპირო მოგზაურებს სიმშვიდეს, სუფთა წყალს და ხელშეუხებელ ბუნების სილამაზეს სთავაზობს.
ეს იდილიური სანაპირო ზოლი არის ადგილი, სადაც სიმშვიდე თავგადასავლებს ხვდება. ეს 8 კმ. სიგრძის სამოთხე კაიაკით გამჭვირვალე წყალში ცურვის შესაძლებლობას მოგცემთ. ბანანას სანაპიროს შესახებ ფუკეთში ჩამოსულმა ვიზიტორებმა არც კი იციან, რადგანაც ის ძალიან იზოლირებულია. პალმის ხეების მწკრივები სასიამოვნო ჩრდილს ქმნიან და ნაკლები პოპულარობის გამო, არემარე თითქოს ხელშეუხებელია.
სანაპიროების და რელაქსაციის გარდა, ბანანას სანაპირო გემრიელ კვებასაც გთავაზობთ. სანაპიროს მახლობლად რამდენიმე რესტორანია, სადაც ახალ ზღვის პროდუქტებს დააგემოვნებთ. მოთავსდით კომფორტულ სანაპირო სკამებშ, ქოლგის ქვეშ, მიეფიცხეთ მზეს, დალიეთ საყვარელი სასმელი და უყურეთ მოლივლივე ტალღებს!
ჩაიცვით კომფორტული ტანსაცმელი, რადგანაც სანაპიროზე ჩასასვლელად კიბის ჩავლა მოგიწევთ. ბანანას სანაპირო დაცული ტერიტორიაა, ამიტომაც არ დაგრჩეთ ნაგავი და გაუფრთხილდით ადგილობრივ ფლორა-ფაუნას.
