ლუცერნი ისეთივე შთამბეჭდავი და მომხიბვლელია, როგორც მე-19 საუკუნეში, როცა მის სილამაზეზე გოეთე, ვაგნერი და დედოფალი ვიქტორია საუბრობდნენ. ჩვენ მის ახლომდებარე გამორჩეულ ადგილებს გირჩევთ.
შენი მეგზური:
თბილისი: გალაკტიონ ტაბიძის 18
✆ 514 861 861 – ნინო ✆ 514 807 807 – თეონა ✆ 514 895 895 – სოფი
1. ტბა ური/Lake Uri
სამოგზაურო დრო: 1 სთ
ურის ტბა თავისი ფირუზისფერი წყლით და გარშემო მთებით ლუცერნიდან 1 საათის გზაზე მდებარეობს. შეგიძლიათ შეცუროთ ნავით ამ წყლებში, მოინახულოთ სამლოცველო (Tellskapelle) და განიტვირთოთ ტყეებში. შეგიძლიათ ლუცერნიდან ბრუნენამდე ან ფლუელენამდე გაყვეთ მატარებელს და ტბაზე შემდეგ ბორნით შეხვიდეთ.
2. მეირინგენი/Meiringen
სამოგზაურო დრო: 1 სთ
შვეიცარიის ულამაზეს ობერლენდის რეგიონში მდებარე მეინგენი ფენომენალურად ლამაზი ეზოთი, სალაშქრო და საველოსიპედო ბილიკებით, ფართო ველებით, ჩანჩქერებით და ალპური ლანდშაფტით გამოირჩევა. მოინახულეთ 250 მ სიმაღლის რეიჰენბაჰის ჩანჩქერი, სადაც არტურ კონან დოილის “შერლოკ ჰოლმსის” ერთ-ერთ თავში დრამატული ფინალი ვითარდება. მეირინგენში მოხვედრა ლუცერნიდან მატარებლებითაა შესაძლებელი, რომლებიც საათში ერთხელ დადიან.
3. მთა პილატუსი/Mt Pilatus
პილატუსის მთა ზღვის დონიდან 2128 მეტრ სიმაღლეზე მდებარეობს. ლეგენდის თანახმად, რომაელი პონტიუს პილატეს ცხედარი აქედან ტბაში გადააგდეს. მთის გადმოსახედიდან არაჩვეულებრივი ხედები იშლება. მაისიდან ოქტომბრამდე შეგიძლიათ სპეციალურ ტურებს შეუერთდეთ, რომლებსაც ტურისტები ლუცერნიდან მიჰყავთ და შემდეგ უკან აბრუნებენ. შეგიძლიათ აქ მოხვდეთ მატარებლით, ნავით და შემდეგ საბაგიროთი.
4. რიგის მთა/Mt Rigi
სამოგზაურო დრო: 1.5 სთ
1797 მ სიმაღლის მწვერვალი რიგი ცნობილია საოცარი მზის ამოსვლით და ჩასვლით. აქ ევროპის უძველესი სამთო რკინიგზით მოხვდებით და ექსტრაორდინალური ხედებით დატკბებით. აქ მოსახვედრად გაყევით მატარებლებს ვიზნაუში (Vitznau) ან გოლდაუში (Goldau), საიდანაც გაყვებით შიდა მატარებელს რიგი კულმამდე.
5. ბრუნენი/Brunnen
სამოგზაურო დრო: 45 წთ
ეს ადგილი ერთგვარი ალპური სამოთხეა. აქ შეგიძლიათ დაკავდეთ სხვადასხვა წყლის სპორტით. ბრანენში რეგულარული მატარებლები დადიან.
6. ენგელბერგი/Engelberg
სამოგზაურო დრო: 45წთ
ზამთარში ენგელბერგი სათხილამურო კურორტი ხდება. მას “ანგელოზის მთას” უწოდებენ. აქ ცენტრალური შვეიცარიის უმაღლესი მთა ტიტლისი მდებარეობს. აქ ლუცერნიდან საათში ერთხელ დადიან ჩქაროსნული მატარებლებლები.
7. შტანსერჰორნი/Stanserhorn
სამოგზაურო დრო: 25 წთ
აქ ძველებური ფუნიკულიორით მოხვდებით, რომელიც 1893 წლით თარიღდება. შედეგად, 1100 მეტრს 6 წუთში დაფარავთ. ეს მსოფლიოს პირველი საბაგიროა რომელსაც თავი ღია აქვს. ფუნიკულიორი მუშაობს აპრილის შუა რიცხვებიდან ნოემბრის დასაწყისამდე. ლუცერნიდან შტანსერჰორნამდე დღეში რამდენიმე მატარებელი დადის.
8. ეინსიედელნი/Einsiedeln
სამოგზაურო დრო: 1 სთ
ამ პატარა ულამაზეს შვეიცარიულ ქალაქში მე-18 საუკუნის შთამბეჭდავი სააბატო ეკლესია გასაოცარი ფრესკებით და მარმარილოს დეკორით. ლუცერნიდან ეინსიედელნში დღეში ორი მატარებელი დადის.
