შთამბეჭდავი ჰიდრა იმ ბერძნულ კუნძულებს მიეკუთვნება, რომლებიც საავტომობილო მოძრაობისგან თავისუფლები არიან. აქ არც მანქანები დადიან და არც სკუტერები. საუცხოოდ შემონახული ქვის არქიტექტურა, ველური ბილიკები და სუფთა წყალი მას საბერძნეთის ერთ-ერთ საუკეთესო ადგილად აქცევს. კუნძული ბოლო წლებში ვიზიტორთა დიდ ნაკადს იზიდავს, მათ შორის ცნობილ ადამიანებს.
1. გაისეირნეთ ჰიდრას გასაოცარ ნავსადგურში
ჰიდრას ნავებით სავსე ნავსადგური და მის ნაპირებზე მდებარე ქვის სახლები არასოდეს დაგავიწყდებათ. საღამოობით აქ სხდომა და ადგილობრივი ატმოსფეროთი ტკბობა განსაკუთრებით გესიამოვნებათ.
2. გაეცანით ჰიდრას ხელოვნებას მის მუზეუმებში
ჰიდრას ისტორიული და ხელოვნების სიღრმე მის კულტურულ შესწავლას ამდიდრებს. დაიწყეთ ფანერომენის მონასტრის კომპლექსით ნავსადგურში. მისი მუზეუმი ღიაა აპრილიდან ოქტომბრამდე. მოინახულეთ პანაიოტისის, საბერძნეთის ერთ-ერთი საუკეთესო მხატვრის ატელიე, შემდეგ ისტორიული არქივის მუზეუმი.
3. გაყევით სანაპირო ბილიკებს საცურაოდ და დასასვენებლად
ჰიდრაზე ქვიშიანი სანაპიროები არაა, თუმცა ეგეოსის ზღვაში შეცურვა კენჭებიანი ნაპირებიდან შეგიძლიათ. მოინახულეთ წყლის გამოქვაბულები სპილიაზე და ჰიდრონეტაზე. გაისერინეთ 1.5 კმ სიგრძის ულამაზეს სანაპირო ბილიკზე პორტის დასავლეთით. თუ ამ სანაპირო გზას ქალაქ ჰიდრას მიღმაც გააგრძელებთ, 2.5 კილომეტრში მყუდრო კენჭებიანი სანაპირო და ზღვის პროდუქტების ტავერნები დაგხვდებათ მანდრაკის სანაპიროზე, კუნძულის ისტორიულ ნავსადგურში.
4. გაყევით ნავს ან კრუიზს ჰიდრას ქვიან ნაპირზე
საექსკურსიო გემები, რომლებიც ჰიდრას ნავსადგურიდან ან მისკენ კონკრეტულ დროებზე გადიან, ჰიდრას უფრო შორეულ სანაპიროებს განახებენ. როგორც წესი, ისინი გამოგზაურებენ მწვანე წყლის და კენჭების შემდეგ სანაპიროებზე: ბისტი და აგიოს ნიკოლაოსი.
5. აღმოაჩინეთ ხედები ჰიდრაზე
ჰიდრას მთიანი ლანდშაფტი საშუალებას იძლევა აქტიურადაც დაისვენოთ და განიტვირთოთ კიდეც. აქ მთებში ბევრი ბილიკი მიდის, რომლებიც გაყოლის შემთხვევაშიც შთამბეჭდავი და დრამატული ხედებით დაჯილდოვდებით. გირჩევთ ილიას მონასტრის და ეროსის მთის სავალ ბილიკებს.
