არ აქვს მნიშვნელობა თანამედროვე ხელოვნება გაინტერესებთ, სამეფო სასახლეები თუ ექსტრაორდინალური მუზეუმები, ზალცბურგი მრავალფეროვან და საინტერესო ადგილებს გთავაზობთ.
Festung Hohensalzburg
ზალცბურგის ციხესიმაგრე იმ მომენტიდან მოგხიბლავთ, როგორც კი ამ ქალაქში ჩახვალთ. ეს 900 წლოვანი სასახლე ზღაპრულ ატმოსფეროს ქმნის. ის მე-11 საუკუნეში აშენდა. აქ ნახავთ ოქროს დარბაზს, მარიონეტების მუზეუმს და ციხესიმაგრის მუზეუმს, ასევე შუასაუკუნეების ინსტრუმენტებს და იარაღებს.
მოცარტის დაბადების ადგილი და რეზიდენცია
თუ კლასიკური მუსიკა გიყვართ, მოცარტის მშობლიურ ქალაქს აუცილებლად უნდა ეწვიოთ. ავსტრიის ერთ-ერთ საუკეთესო კომპოზიტორს აქ ორი მუზეუმი ეძღვნება, ერთი მას როგორც პიროვნებას, ხოლო მეორე მის მის მუსიკას. ამ ყვითელ სახლში მოცარტი 1756 წელს დაიბადა და მისი ცხოვრების პირველი 17 წელი სწორედ აქ გაატარა.
თანამედროვე ხელოვნების მუზეუმი
ზალცბურგის ეს თანამედროვე ხელოვნების მუზეუმი (Museum der Moderne) მე-20 და 21-ე საუკუნის ხელოვნებას წარმოგვიდგენს, მათ შორის ფოტოგრაფიასაც. მონჩბერგის კლდეებში მდებარე ეს ციხესიმაგრე ქალაქზე ხედებსაც გთავაზობთ.
რუპერტინუმი
რუპერტინუმი (Rupertinum) ზალცბურგის თანამედროვე ხელოვნების მუზეუმის მოძმე მუზეუმად განიხილება. აქაც ფოკუსი თანამედროვე ხელოვნებაზეა, მათ შორის ფოტოგრაფიაზე.
მუსიკალური ჰანგების სამყარო
ცნობილი მიუზიკლი “მუსიკალური ჰანგები” (Sound of Music World) ქალაქ ზალცბურგთანაა დაკავშირებული. ფილმის ფანებს შეუძლიათ გამოიკვლიონ ფოტოები, კოსტიუმები და სხვა სამახსოვრო დეტალები ამ ცნობილი მიუზიკლიდან.
Haus der Natur
ეს განსაკუთრებული ბუნების მუზეუმი არამხოლოდ ბავშვებს, ზრდასრულებსაც აღაფრთოვანებს. აქ თემატური ოთახები, ექსპერიმენტორიუმები და მრავალფეროვანი აღჭურვილობებია.
Freilichtmuseum
ეს ღია ცის ქვეშ მუზეუმი ავსტრიულ ცხოვრებას შეგაგრძნობინებთ. დაათვალიერებთ ტრადიციულ ფერმებს, სახლებს, ქარის წისქვილებს და ძველებურ მაღაზიებს. 180 ნომერი ავტობუსი ზალცბურგის სადგურიდან აქამდე ყოველ ერთ საათში დადის და გზას ნახევარ საათს ანდომებს.
Residenz
ზალცბურგის ეს ბაროკოს სასახლე იუნესკოს მსოფლიო მემკვიდრეობის სიაშია შეტანილი. სასახლეში იხილავთ მე-16 და მე-19 საუკუნეების ხელოვნებას.
Dommuseum
თუ რელიგიური ხელოვნება და საგანძური გხიბლავთ, მაშინ დომუზეუმს მიაკითხეთ. აქ შუასაუკუნეებიდან შემონახული უდიდესი მეტალის ჯვარი და სხვა რელიგიური არტეფაქტები დაგხვდებათ.
საშობაო მუზეუმი
თუ შობა გიყვართ, ამ მუზეუმში აუცილებლად მიდით. აქ მთელი წლის მანძილზე საფესტივალო განწყობაა. იხილავთ კერძო უნიკალურ კოლექციებს.
ქართული ტურისტული კომპანია და სამოგზაურო ბლოგი. ვაწყობთ ჯგუფურ და ინდივიდუალურ ტურებს.
