მალტა ვიზიტორებს მზიანი კლიმატით, კრისტალურად ცივი წყლით და სადღესასწაულო რეპუტაციით იპყრობს. მაგრამ ამ პატარა ხმელთაშუაზღვის კუნძულზე მეტი რამაა ვიდრე მხოლოდ მზე და გართობა. ათასწლოვანი ისტორიით და მდიდრული კულტურით, მალტა საინტერესო და მრავალფეროვან მუზეუმებსაც გვთავაზობს. ანტიკური ხელოვნებიდან თანამედროვე ხელოვნებამდე, ჩვენ აქ მდებარე კულტურულ ღირსშესანიშნაობებს გირჩევთ:
MUŻA – სახვითი ხელოვნების ეროვნული მუზეუმი
მისამართი: Auberge D’Italie, Merchants St, ვალეტა
ყოფილ სამეფო სასახლეში მდებარე ეროვნული მუზეუმი რენესანსიდან თანამედროვე ხელოვნებამდე ყველა პერიოდს წარმოგვიდგენს. მუზეუმში ინახება მალტელი და სხვა ევროპელი არტისტების ხელოვნების ნიმუშები. აქ დაგვხდებათ მულტიმედიური და ინტერაქციული ინსტალაციებიც.
არქეოლოგიის ეროვნული მუზეუმი
Republic St, ვალეტა
ნეოლითურ ხანაში მალტაზე და კუნძულ გოზოზე დასახლებულმა ხალხმა მდიდრული არტეფაქტები დაგვიტოვეს. საყდრები, რომლებიც მაშინ აშენდა, დღეს მსოფლიოს უძველესი ქვის სტრუქტურებია, უფრო ძველები ვიდრე ეგვიპტის პირამიდები და ინგლისის სთოუნჰენჯი.
ინკვიზიტორის სასახლე
მისამართი: Triq Il-Palazz Ta’ L-Isqof, ბირგუ
ინკვიზიციის პერიოდი რელიგიური ისტორიის ბნელი თავია, რომელიც მალტასაც შეეხო. ბირგუში მდებარე ეს სასახლე მე-16/მე-18 საუკუნეში ფუნქციონირებდა. იქ ვალეტას დიდი ნავსადგურიდან მოხვდებით. აქ სამეფო ოთახები და ეთნოგრაფიული მუზეუმიცაა.
Casa Rocca Piccola
74 Republic St, ვალეტა
ეს კერძო მუზეუმი მალტაზე მცხოვრებ ერთ ოჯახს ეკუთვნის. მე-16 საუკუნის სასახლეში 12 ოთახია საჯაროდ ღია, მათ შორის სასადილო, აბაზანა და ფერადი სალონები ანტიკური ავეჯით.
ჯავშან-ტექნიკის და იარაღის სასახლე
მისამართი: Misrah San Gorg, Il-Belt Valletta
Palace Armoury – იარაღის შთამბეჭდავ კოლექციებს წარმოგვიდგენს. მათი ნაწილი მალტელ მეფეებს ეკუთვნოდათ. აქ ორიგინალი შეიარაღებაა წარმოდგენილი რაც ადგილს უნიკალურს ხდის.
ეროვნული ომის მუზეუმი
Fort St Elmo Il-Belt Valletta, ვალეტა
ნეოლითური პერიოდის ეს მუზეუმი მალტას სამხედრო ისტორიას ასახავს. ვალეტას ისტორიული ცენტრიდან საფეხმავლო დაშორებაზე შეგიძლიათ ნახევარდღიანი ექსკურსია მოიწყოთ.
მალტას საფოსტო მუზეუმი
მისამართი: 135 Archbishop St, ვალეტა
მალტას ერთ-ერთი ყველაზე ახალი მუზეუმი საფოსტო ისტორიის 500 წელს წარმოგვიდგენს. კუნძულის ისტორიაში ფოსტას ძალიან დიდი როლი ეკავა. აქ ძველი ფოტოები, ისტორიული დოკუმენტები და საინტერესო ნივთებია, დაკავშირებული ფოსტის სერვისთან. აქვეა სუვენირების მაღაზია.
მუზემი მალტის როლზე მეორე მსოფლიო ომში
მისამართი: Couvre Porte Counterguard, ბირგუ
მეორე მსოფლიო ომის დროს, მალტა დიდი ბრიტანეთის ნაწილი იყო. მისი სტრატეგიულად მნიშვნელოვანი სამხედრო ბაზა ხმელთაშუაზღვაში დიდ როლს ასრულებდა. 1940/42 წლებში აქ 30000-ზე მეტი შენობა განადაგურდა. ბირგუს ეს ომის მუზეუმი ისტორიის სწორედ ამ პერიოდს ასახავს.
