რჩევები და ბიუჯეტი

რა უნდა იცოდეთ ნეაპოლში მოგზაურობამდე

ნეაპოლი იტალიის სიდიდით რიგით მესამე ქალაქია, რომლის ყველა კუთხეშიც არქიტექტურულ საოცრებას აღმოაჩენთ. ბერძნების მიერ დაარსებული ნეაპოლი 2500 წლოვან ისტორიას ითვლის. ამ იტალიურ ქალაქს მადლობას ეუბნებიან პიცის გამოგონების და ყავის კულტურის ჩამოყალიბებისთვის. შენი მეგზური აქ თქვენზე მორგებულ მოგზაურობას დაგიგეგმავთ და რჩევებსაც გაგიზიარებთ:

ეწვიეთ ნეაპოლს გაზაფხულზე ან შემოდგომაზე და ერიდეთ ზაფხულის ხალხმრავლობას

ნეაპოლში ვიზიტის საუკეთესო დროა გვიანი გაზაფხული ან ადრეული შემოდგომა. ზამთარში აქ კიდევ უფრო ცოტა ხალხია, თუმცა შესაძლოა წვიმიანი ამინდები დაგემთხვათ. ამ პერიოდებში ადგილობრივებთანაც უფრო მარტივად დაამყარებთ ურთიერთობას.

იტალიური ერთადერთი ენა არაა, რომელსაც ქუჩებში გაიგონებთ

იტალიური ენა ოფიციალური ენაა ნეაპოლში, თუმცა ბევრი ადამიანი აქ რეგიონის დიალექტზე საუბრობს. სასტუმროებსა და რესტორნებშ ინგლისურად დაგელაპარაკებიან, მაგრამ შეისწავლეთ რამდენიმე იტალიური სიტყვაც.

იყავით მზად, რომ გადახდა შეიძლება მხოლოდ ქეშით იყოს

იტალიაში ევრო ოფიციალური ფულის ერთეულია. მიუხედავად იმისა, რომ აქ საკრედიტო ბარათები ფართოდაა მიღებული, ქუჩის დახლებზე, პატარა მაღაზიებსა და საცხობებში შესაძლოა მხოლოდ ქეშით გადახდა დაგხვდეთ.

ჩაის არ ელიან, თუმცა კარგი იქნება თუ რამეს დატოვებთ

ჩაის დატოვება იტალიაში მიღებული სტანდარტი არაა, თუმცა თუ რესტორანში ესიამოვნებათ თუ თანხას დაამრგვალებთ ან 1 ევროს მაინც დატოვებთ ჩაის სახით. ქუჩის ყავის ობიექტებში ესპრესოსთვის 80 ცენტის ნაცვლად 1 ევროს დატოვებაც გავრცელებულია ტურისტებში.

ნეაპოლში საზოგადოებრივი ტრანსპორტით სიარული მარტივია

ნეაპოლის მთავარი ტურისტული ღირსშესანიშნაობები წყლისპირას და ისტორიული ცენტრის გარშემოა თავმოყრილი, რომელსაც ფეხით ადვილად მოივლით. ამ ქალაქს არაჩვეულებრივი საზოგადოებრივი ტრანსპორტის სისტემა აქვს: მეტრო, ავტობუსები, ტრამვაები და საბაგირო. რეგიონული მატარებლებით წახვალთ პომპეიში და მოინახულებთ ამალფის სანაპიროს, მათ შორის სორენტოს. ნეაპოლის საერთაშორისო აეროპორტი ქალაქს ავტობუსით უკავშირდება.

მანქანის ქირაობა ნეაპოლში კარგი იდეა არაა

ნეაპოლში მანქანის ქირაობას რეკომენდაციას არ უწევენ, რადგანაც ქუჩები ვიწროა, ნავიგაცია რთულია, მოძრაობა დამაბნეველი.

დაზოგეთ თანხა მუზეუმის მრავალჯერადი ბარათით

თუ გეგმავეთ, რომ ნეაპოლის მუზეუმებში დიდი დრო გაატაროთ, აიღეთ ნეაპოლის ბარათი (Napoli ArteCard). ის მოიცავს სამ მუზეუმში უფასოდ შესვლას, 50%-იან ფასდაკლებას ღირსშესანიშნაობებზე და უფასო მგზავრობას ყველა საზოგადოებრივი ტრანსპორტით.

ნეაპოლი უსაფრთხოა, თუმცა ყურადღება მიაქციეთ ჯიბის ქურდებს

ნეაპოლში ძალადობრივი კრიმინალი ძალიან იშვიათია, მაგრამ დატვირთულ ადგილებში ჯიბის ქურდობა შესაძლოა დაფიქსირდეს. იყავით ყურადღებით ტურისტულ ღირსშესანიშნაობებთან, მეტროში და მატარებლის სადგურებში.

ივლისი და აგვისტო წვეულებების პერიოდია

მიუხედავად იმისა, რომ ამ დროს ცხელა და ადგილობრივები ქალაქიდან დასასვენებლად მიემგზავრებიან, ნეაპოლში მაინც ბევრი ფესტივალი, წვეულება და ღონისძიება ეწყობა. ზოგიერთი მათგანი უფასოა.

ტეგები

შენი მეგზური

ქართული ტურისტული კომპანია და სამოგზაურო ბლოგი. ვაწყობთ ჯგუფურ და ინდივიდუალურ ტურებს.

მსგავსი ბლოგები

ევროპაევროპა
ევროპა17 სექ 2026

6 ნაკლებად ცნობილი ხმელთაშუაზღვის მიმართულება სანტორინის და ამალფის სანაპიროს ნაცვლად

პორტო-ერკოლე, კორჩულა, პაროსი, სენ-ჟან-კაპ-ფერა, მენორკა და მალტა: ხმელთაშუა ზღვის 6 ალტერნატივა სანტორინისა და ამალფის ნაცვლად.

ევროპაევროპა
ევროპა31 აგვ 2026

6 მიმართულება, რომელიც ჰომეროსის “ოდისეას” ცნობილი მითების შთაგონებად იქცა

ითაკა, ჩირჩეოს ეროვნული პარკი, მესინის სრუტე, აჩი-ტრეცა და გოზო: რეალური ადგილები, რომლებმაც ჰომეროსის „ოდისეას“ მითები შთააგონა.

იტალიაიტალია
იტალია20 აგვ 2026

დაუწერელი კანონები, რომლებიც იტალიაში ვიზიტამდე უნდა გაითვალისწინოთ

მისალმება, ჩაცმა, საუზმე, ყავა ბართან, კაპუჩინოს წესი და რესტორნის გადასახადები: რა უნდა იცოდეთ იტალიაში წასვლამდე. იმოგზაურეთ „შენს მეგზურთან“ ერთად.

გინდა ამ მიმართულებით წასვლა?დაგიგეგმავთ ტურსმოგვწერე
Habinetჯგუფის კომპანიები