კეთილი იყოს თქვენი მობრძანება ბორდოში! ამ ქალაქში უამრავ კარგ ადგილს აღმოაჩენთ და ნამდვილად საუცხოო დროს გაატარებთ. მოემზადეთ, ჩვენ აქ ერთგვარ გიდობას გაგიწევთ.
-
მოედანი: Place de la Bourse
ბორდოს ყველაზე ლამაზ მოედნად წოდებული პლას დე ლა ბურსი უმშვენიერესი შადრევნით მოგხიბლავთ. აქაურ კვების ობიექტებში ადგილობრივებიც და ვიზიტორებიც გემრიელად ვახშმობენ.
-
სარკისებრი ზედაპირი: Miroir d’Eau
ეს არის ერთგვარი წყლის სარკე, რომელიც პლას დე ბურსს აირეკლავს და ბორდოში ყველაზე ფოტოგენურ ადგილად ითვლება. მასზე გავლა ზაფხულის სეზონზე განსაკუთრებით აქტუალურია.
-
ქუჩა: Sainte Catherine Street
ბორდოში ყოფნის დროს ამ ქუჩაზე აუცილებლად უნდა გაიაროთ. ის ევროპის ყველაზე გრძელი ქუჩაა განკუთვნილი შოპინგისთვის.
-
მოედანი: Place des Quinconces
საფრანგეთის უდიდესი მოედანი ქალაქის მორიგი მნიშვნელოვანი ადგილია. აქ შთამბეჭდავ მონუმენტს და შადრევანს იხილავთ.
-
ოპერა: Opéra National de Bordeaux-Grand Théâtre
ეს დიდებული შენობა 1780 წელს აშენდა და დღეს ბალეტს, ოპერასა და სხვა დიდ კულტურულ ღონისძიებებს მასპინძლობს.
-
საათის კოშკურა: Grosse Cloche
ქალაქის გულში მდგარი ეს კოშკურა დღეისათვის უკანასკნელი შემორჩენილი კოშკია, რომელიც ერთ დროს ქალაქს ტემპს აძლევდა.
-
კარიბჭე: Porte Cailhau
ეს კარიბჭე მეფე ჩარლზ მეშვიდის იტალიელებზე გამარჯვებას ასახავს. აქედან ნავსადგურზე ლამაზი პანორამა იშლება.
-
ეკლესია: Saint André Cathedral
პეი ბერლანდის მოედანზე მდებარე ეს კათედრალი ბორდოს უდიდესი რელიგიური შენობაა. 1998 წლიდან ის იუნესკომ ისტორიული მონუმენტების სიაში შეიყვანა.
-
სამრეკლო: Place and Tour Pey Berland
ეს გოთიკური სტილის სამრეკლო წმ. ანდრეს კათედრალიდან რამდენიმე მეტრის დაშორებით მდებარეობს, იმიტომ, რომ არქიტექტორი შიშობდა კათედრალის სტრუქტურა მას მხარს ვერ დაუჭერდა. აუცილებლად გადმოიხედეთ სამრეკლოდან, რათა პანორამული ხედით დატკბეთ.
-
ბაზილიკა: Saint-Michel Basilica
ეს გოთიკური ტაძარი სან მიშელზე მდებარეობს, ქალაქის ყველაზე ცოცხალ უბანში. გაისეირნეთ მის სიახლოვეს და დაათვალიერეთ სან მიშელის ბაზრობა.
-
ხიდი: Pont de Pierre
ეს ხიდი ქალაქის მნიშვნელოვანი ნაწილია, იმიტომ რომ ბორდოს მარცხენა სანაპიროს მარჯვენასთან აკავშირებს. ის ბასტიდის უბანში, მდინარე გარონეზეა აგებული. ხიდზე გადასვლისას დააკვირდით როგორ გადიან ტრამვაები ლიანდაგებზე.
-
მოედანი: Place de la Victoire
ეს მოედანი ბორდოს ყველაზე საჯარო ადგილად ითვლება. ის ქალაქის ღამის ცხოვრების ცენტრალური ნაწილია ბევრი ბარითა და რესტორნით.
-
ბაღი: Jardin Public
წარმოიდგინეთ როგორია შესვენება შუადღეს, ჯადოსნურ ბაღში… ბორდოს საჯარო პარკი ქალაქის თვალწარმტაცი მწვანე სივრცეა.
-
ღვინის ქარხანა: La Cité du Vin
ეს უნიკალური ადგილი ღვინის დაგემოვნებას და ამ სასმლის გარშემო არსებულ კულტურულ ღონისძიებებს ეძღვნება.
-
ნანგრევები: Palais Gallien
ქალაქის ცენტრიდან მოშორებით, ანტიკური ნანგრევებითაც დატკბებით. ყოფილი ამფითეატრი რომაული იმეპრიის ეპოქიდანაა, როცა ბორდოს ბურდიგალა ერქვა.
-
სასახლე: Palais Rohan
წმ. ანდრეს კათედრალის სიახლოვეს, ეს სასახლე 1771 წელს ბორდოს არქიეპისკოპოსის, ფერნანდის საპატივცემულოდ აშენდა. 1835 წლიდან შენობა ბორდოს მერიის ოფისებს აერთიანებს.
-
სავაჭრო ცენტრი: Quai des Marques
აქ სეირნობა და შოპინგი ნამდვილად მოგეწონებათ. ამ ცენტრში შეგიძლიათ შეიძინოთ მაღალი ხარისხის პროდუქცია და სუვენირები.
-
ხიდი: Jacques Chaban Delmas Bridge
2013 წელს აგებული ეს ხიდი არქიტექტურით მოგხიბლავთ. ის იდეალურია საღამოობით რომანტიკული სეირნობებისთვის და მდინარის ხედებით დასატკბობად.
-
მოედანი: Place du Parlement
ბორდოს საკვები ეპიცენტრი საუკეთესო რესტორნებს აერთიანებს, სადაც გურმანები სხვადასხვა ქვეყნებიდან ჩამოდიან.
-
მუზეუმი: Musée d’Aquitaine
თუ გსურთ მეტი გაიგოთ ბორდოს ისტორიაზე, ამ მუზეუმში შეიარეთ, ის ტურისტულ ღირსშესანიშნაობებთან, წმ. ანდრეს კათედრალთან და როჰანის სასახლესთან ახლოს მდებარეობს.