ცნობილი როგორც საკურორტო მიმართულება, ანტალია მოგზაურებს ფირუზისფერი წყლით და გემრიელი საჭმლით იზიდავს. ჩვენ რამდენიმე რესტორანს გირჩევთ, სადაც ადგილობრივები ამჯობინებენ მირთმევას.
7 Mehmet
საუკეთესო: ტრადიციული სამზარეულოსთვის
ადგილობრივებს რესტორნის რეკომენდაციაზე რომ კითხოთ, აუცილებლად გირჩევთ ამ პანორამულ ადგილს სანაპიროს მახლობლად. რესტორანმა 1937 წლის შემდეგ დიდი განვითარება გაიარა, მიირთმევთ ზღვის პროდუქტებს, სალათებს, ხორცის კერძებს, ბოსტნეულს და დესერტს.
Kadirşinas Ocakbaşı
საუკეთესო: ქაბაბისთვის
ეს კლასიკური გრილის რესტორანი ერთ-ერთ საუკეთესო ქაბაბებს გვთავაზობს მთელ ანტალიაში. აქ ასევე უგემრიელესად ამზადებენ პიაზს, პოპულარულ თურქულ ცივ სალათას ტაჰინის და ძმრის სოუსით.
Özgül Kebap Şişçi İbo
საუკეთესო ანტალიური პიაზის აღმოჩენისთვის
ანტალიის საკულტო კერძებს შორისაა პიაზი, რომელიც თურქეთში ფართოდაა ცნობილი. ესაა თეთრი ლობიო ტაჰინის სოუსში კვერცხით და პომიდვრით. ანტალიის ბევრი რესტორანი იკვეხნის მისი საუკეთესო შესრულებით, მაგრამ ეს რესტორანი, ელმალის უბანში, მათ შორის გამორჩეულია. თითოეული პორცია აქ თითქოს დიდი ძალისხმევითაა მომზადებული.
Yıldız Serpme Börek
საუკეთესო ხრაშუნა ბორეკისთვის
ქალაქის ცენტრის მშვიდ ქუჩაზე, ანტალიის ერთ-ერთ საუკეთესო ადგილს აღმოაჩენთ საჭმელად. ჩრდილში მიმალული კაფე ხის მაგიდებით გემრიელ და მსუყე პორციებს გვთავაზობს. მათ ბორეკი საუცხოოა, გამომცხვარი ხრაშუნა მდგომარეობამდე, ფეტათი და მწვანილებით.
Yusuf’un Yeri
საუკეთესო სწრაფი ლანჩისთვის
ქალაქის ჩრდილოეთით მდებარე ეს რესტორანი სტუმრებს სწრაფ, დამანაყრებელ ლანჩებს სთავაზობს. კაფე ცნობილია გრილზე მომზადებული ცხვრის კერძებით.
Chayote Chef Restaurant
საუკეთესო დახვეწილი ვახშმისთვის
ეს რესტორანი ლარას სანაპიროს სიახლოვეს, ნირვანას სასტუმროს ბაღებში მდებარეობს და სრულად თურქულ გემოებს ეძღვნება. სასადილო ოთახი ხითაა აშენებული და საინტერესო დეკორაციებით გამოირჩევა. მენიუ საკმაოდ ტრადიციულია, გირჩევთ კოკორეჩს, ცხვრის ხორცს გრილზე და ღუმელში გამომცხვარ გოგრას.
Dilara Yaşar
საუკეთესო ტრადიციული დესერტისთვის და ნაყინისთვის
ეს ობიექტი ანტალიაში 1954 წლიდან არსებობს. ის ქალაქის ცენტრალურ გამზირზეა და გამვლელებს ტრადიციული დესერტის ასორტიმენტს სთავაზობს. გირჩევთ დონდურმას დაგემოვნებას.
Meşhur 18’in Bağaçaları
საუკეთესო ადგილობრივი გამომცხვარი ხემსისთვის
ანტალიის ცენტრში მდებარე ეს პატარა, ოჯახური საცხობი ქალაქის საყვარელ დესერტს, ტაჰინის ნამცხვარს (ბაგაცას) 1940 წლიდან ამზადებს. მათი რბილი, ბისკვიტის მსგავსი დესერტები უნიკალურია, დამზადებული დარიჩინით და სხვა სუნელებით. ბევრს აქ უყვარს “acıbadem” (ტრადიციული ბისკვიტი). იმდენად გემრიელია, რომ ერთზე ვერ გაჩერდებით.
