კრაკოვი კომპაქტურ სივრცეში საკმაოდ ბევრს იტევს. ორი დღე სავსებით საკმარისი იქნება, რომ მთავარი ღირსშესანიშნაობები დაათვალიეროთ. ჩვენ ამ ფანტასტიკურ ქალაქში 2 არაჩვეულებრივ დღეს დაგიგემავთ.
დღე 1
მთავარი ბაზრის მოედანი
ევროპის უდიდესი შუასაუკუნოვანი ბაზრის მოედანი (Market Square) პირველივე ნახვისას მოგხიბლავთ. შეაფასეთ მერიის ელეგანტური შენობა ქალაქის ცენტრში და ადით მის კოშკურაზე ზედხედისთვის. ჩამოჯექით წმ. მარიამის ბაზილიკასთან რათა გოთიკურ არქიტექტურაში ჩაიძიროთ.
ძველი ქალაქი
ბაზრის მოედნიდან გამომავალი ვიწრო, ლამაზი ქუჩებით კრაკოვის ძველ უბანს დაათვალიერებთ. აქვეა მაიუსის კოლეჯი (Collegium Maius), სადაც კოპერნიკი სწავლობდა და დღეს მნიშვნელოვანი მეცნიერული ინსტრუმენტები ინახება. მოედნის ჩრდილოეთით მე-19 საუკუნის კედლის ნანგრევებს (Defence Walls) და პარკს (Planty) მიადგებით.
დღე 2
ვეიველის მთა
კრაკოვი ამაყობს იმით, რომ მე-16 საუკუნის ბოლომდე პოლონეთის სამეფოს სატახტო ქალაქი იყო. სწორედ ამ მთაზე (Wawel Hill) მდგარ სამეფო სასახლეში (Wawel Royal Castle) ისხდნენ მეფეები. შიდა სივრცის და აპარტამენტების სანახავად შეიძინეთ ბილეთ, თუმცა ეზოში სეირნობა უფასოა. აქვე ნახავთ ვეიველის კათედრალსაც, სადაც პოლონელი მეფეები განისვენებენ.
კაზიმიერზი
Kazimierz – ვეიველის მთის სამხრეთით მდებარეობს. ის ერთ დროს ცალკე ქალაქი იყო, კრაკოვისგან გამოყოფილი, თუმცა დღეს ქალაქს სრულადაა შერწყმული. აქ ბევრი კათოლიკური ტაძარი, ძველი სინაგოგა და ებრაული მუზუეუმია.
პოდგორზი
Podgórze – არის ადგილი, სადაც მეორე მსოფლიო ომის დროს, გერმანელებმა მალულად გეტო ააგეს, რათა ქალაქში მყოფი ებრაელები შეეპყროთ. სწორედ ისაა ასახული სტივენ სპილბერგის ფილმში “შინდლერის სია”. შეგიძლიათ ჩაეწეროთ ტურზე ოსკარ შინდლერის ქარხანაში, რომელიც დღეს გერმანული ოკუპაციის მუზეუმია. შეიძინეთ ბილეთები საიტზე.
