ინდოეთის ოკეანის მარგალიტი – ბევრი მოგზაურის საოცნებო მიმართულებაა. ეს პატარა არქიპელაგი კრისტალივით სუფთა წყლით და თეთრი ქვიშით რელაქსაციის მიზნით, ნამდვილი სამოთხეა. ტროპიკული ატმოსფერო მას კიდევ უფრო მშვენიერს ხდის. არ აქვს მნიშვნელობა ინტიმურ რომანტიკულ გასაქცევს ეძებთ თუ ოჯახურ ეგზოტიკურ თავგადასავალს, მალდივები სამოგზაუროდ ბრწყინვალე არჩევანია.
გაისეირნეთ მის დედაქალაქში: მალე
Malé – მალდივების გულია. ქალაქი რომელიც ამავდროულად კუნძულიცაა, მსოფლიოს ყველაზე პატარა დედაქალაქია. მიუხედავად იმისა, რომ პატარაა, საგანძურებით სავსეა. დაათვალიერეთ ტრადიციული სახლები და მონუმენტები. დააგემოვნეთ ადგილობრივი პროდუქციაც.
სნორკელინგი ჰანიფარუ ჰურაში
მალდივების გაფიქრებისას თვალწინ წყლის ქვეშ ცურვაც წარმოგვიდგება. Hanifaru Huraa – განსაკუთრებული სანაპიროა, რომელიც იუნესკოს დაცულ ბიოსფეროს მიეკუთვნება. ეს საოცნებო ადგილია სნორკელინგისთვის ულამაზესი წყლისქვეშა სამყაროს გამოსაკვლევად და დაუვიწყარ გამოცდილებას გაჩუქებთ.
იხილეთ ზღვის ვარსკვლავები ვადჰუს კუნძულზე ღამით
Vaadhoo Island – მალდივებზე არ უნდა გამოტოვოთ! კუნძული ღამე ჯადოსნურად ნათდება თითოეული ტალღის სანაპიროზე მონარცხების შემდეგ. ამასთან, ვარსკვლავებით მოჭედილი ცაც აირეკლება ზღვაში და გარშემო საოცრად რომანტიკული გარემო იქმნება.
სანაპიროები, სანაპიროები, სანაპიროები!
მალდივებზე მოგზაურობისას დიდი დრო უნდა გაატაროთ მის ულამაზეს სანაპიროებზე. კარგი დასაწყისი იქნება Cocoa Island Beach – მალეს სამხრეთ ნაწილში. წყალი აქ გამჭვირვალე და სუფთაა. გამორჩეულია მეორე სანაპიროც – Gulhi Beach, რომლის სილამაზეც სუნთქვას შეგიკრავთ. ცურვა, კოქტეილები, რუჯის მიღება, წყლის სპორტი და მზის ჩასვლის ყურება თქვენს აქ ყოფნას წარმოუდგენლად სასიამოვნოს გახდის.
ეწვიეთ კურამატის კუნძულს
ეს კუნძულიც (kuramathi island) ლამაზი სანაპიროებით თქვენს მოხიბვლას ნამდვილად შეძლებს. აქ თავი სხვა პლანეტაზე გეგონებათ. სიმწვანის მოყვარულებს ასიამოვნებთ პალმის და ბანანის ხეები, ვარდისფერი ოლეანდრები. აქ შეგიძლიათ ისიამოვნოთ სპა პროცედურებითაც.
არც ალიმანტას კუნძული გამოგრჩეთ
Alimatha Island – ოკეანის შუაგულში მდებარეობს და ხელშეუხებელი ბუნებით გამოირჩევა. დაუსრულებელი ბუნგალოების რიგები ღია ცისფერ წყალში სიმეტრიულად არიან განლაგებულნი. აქ ხშირად ჩამოდიან თაფლობისთვის გასატარებლად.
გაირუჯეთ არის კუნძულზე
Ari Atoll – ჩრდილოეთით 89 კილომეტრზე გადაჭიმული შთამბეჭდავი კუნძულთა ერთობლიობაა, ყველაზე გრძელი ქვეყანაში. მას ორ ზონად ყოფენ: ჩრდილოეთ და სამხრეთ ნაწილებად. 30 კუნძული მხოლოდ ტურიზმისთვისაა განკუთვნილი, დანარჩენებზე კი მალდიველებიც სახლობენ.
როდისაა საუკეთესო დრო მალდივებზე წასასვლელად?
ეკვატორთან ახლოს მდებარე მალდივები მაინც სასიამოვნო კლიმატით გამოირჩევა. აქ წლის ნებისმიერ დროს ჩამოდიან, თუმცა ივნისი და ივლისი წვიმებით გამოირჩევა და საუკეთესო დრო აქ ვიზიტისთვის იანვრიდან მარტის ჩათვლით პერიოდია. ამ დროს ამ ტროპიკულ სამოთხეში ამინდი იდეალურია. ყველაზე იაფად ბილეთებს ნოემბრის თვეში შეიძენთ.
